Булдырасыз, егетләр!
30 нчы октябрьдән 2нче ноябрьгә чаклы узган яшүсмерләр клубы активларының ел саен үткәрелә торган республика слетында 15 делегация арасында өстәмә белем бирү педагогы Л.Г. Сәфәрова җитәкчелегендәге Зирекле лицее укучылары - "Аҗаган" яшүсмерләр клубында тәрбияләнүчеләр дә катнашты. Слетның беренче көнендә балалар үз шәһәрләрен, районнарын, клубларын һәм командаларын тәкъдир иттеләр, башка делегацияләрнең...
30 нчы октябрьдән 2нче ноябрьгә чаклы узган яшүсмерләр клубы активларының ел саен үткәрелә торган республика слетында 15 делегация арасында өстәмә белем бирү педагогы Л.Г. Сәфәрова җитәкчелегендәге Зирекле лицее укучылары - "Аҗаган" яшүсмерләр клубында тәрбияләнүчеләр дә катнашты.
Слетның беренче көнендә балалар үз шәһәрләрен, районнарын, клубларын һәм командаларын тәкъдир иттеләр, башка делегацияләрнең катнашучылары белән таныштылар. Шуннан соңгы көннәрдә алар интеллектуаль сәләтләрен һәм социаль күнекмәләрне үстерү студияләрендә, педагоглар тәҗрибәсе белән уртаклашу буенча мастер-классларда, "Спорт дөньясында" дип аталган интеллектуаль уенда, конкурслар, эстафеталар һ.б. чараларда үзләренең иҗади һәм спорттагы потенциалларын күрсәттеләр. Егетләр катнаш командаларда биремнәр башкардылар, бу исә коммуникатив күнекмәләрне үстерүгә, уңай психологик атмосфера булдыруга этәргеч булды. 2012 ел Слеты тематикасы 2013 елда Казанда үтәчәк XXVII нче Бөтендөнья җәйге Универсиадага туры китерелгән.
Конкурс нәтиҗәләре буенча иң активлары, инициативалы катнашучылар - җиңүчеләр билгеләнде, алар яшүсмерләр клубы активларының алтынчы республика слеты дипломнары һәм бүләкләр белән бүләкләнделәр.
Безнең егетләр бик яхшы нәтиҗәләр белән кайттылар: төрле номинацияләр буенча бик күп призлы урыннар яулаганнар. Булдырасыз, егетләр!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев