“Экопатруль” яшьләр хәрәкәте
5 сентябрьдән 7 сенә чаклы Яңа Чишмә урта мәктәбе командасы Лаеш районында булган, анда экология темасына багышланган "Йолдызлы десант" булып үткән. Балалар өйләренә җитәкчеләре Ирина Иляшкина белән канатланып кайтканнар һәм алган тәэсирләре белән уртаклаштылар.
"Шушы өч көн чараларга бай булды, безнең бер генә дә буш вакытыбыз булмады. Көнебез зарядкадан һәм физик күнегүләрдән башланды, кич белән дискотека булды, аны бик оста ди-джей үткәрде. Слет программасында күңел ачу чаралары бик күп иде, әмма семинарда төп эш итеп социаль проектлар булдыру буенча тренинглар һәм презентацияләр хәзерләүне атарга мөмкин. Мәскәүдән килгән вәкил, әлеге слетны һәм барлык чараларны оештыруда җаваплы кеше психолог Макс Орлов тарафыннан "SMARТ" программасы буенча мастер-класслар - презентацияләр булдырылды, Пиар һәм "Реклама компаниясе" буенча мастер-класслар үткәрелде.
Безнең команда өлкән сыйныф укучылары һәм студентлар арасында иң яшь команда иде, тик бу безнең командага комачауламады, дип билгеләп үтте Макс Орлов үзе. Һәм аның сүзләре безне тагы да дәртләндерде һәм үзебезгә ышаныч бирде. Без санкцияләнмәгән чүплекләр буенча социаль ролик әзерләүгә иҗади яктан якын килеп эшләдек, моны иң үзенчәлекле һәм креатив буларак билгеләп үттеләр. Төп чаралардан башка, без эмоциональ һәм интеллектуаль гына түгел, ә эстетик зарядка да алдык. Безнең бүлмә тәрәзәләреннән Иделгә һәм ылыслы урманның матурлыгына сокланып туймаслык иде, без Идел ярлары буйлап һәм урман тирәсендә йөрергә дә вакыт таптык.
Фестивальне ябу тантанасына барлык катнашучылар көче белән концерт оештырылган иде, без азакта чыгыш ясадык. Бу зур трибунадан билгеләп үтелде, безнең адреска һәм җитәкчебез Ирина Иляшкинага мактау сүзләре әйтелде.
Өйрәнүләрнең барлык курс нәтиҗәләре буенча фестивальдә катнашучыларның барысына да тантаналы шартларда ТР яшьләр эшләре, спорт һәм туризм Министрлыгының сертификатлары тапшырылды һәм шушы көннән башлап экопатруль булдырылды. Ул Яңа Чишмә районында экологик тәрбия буенча эш алып барачак".
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев