Хыял канатында очкан чаклар
Район мәктәпләреннән 120 чыгарылыш сыйныф укучысы Яңа Чишмә РМЙ бинасы янына чыгарылыш балына җыелдылар. Кызларның буй-сыннарына килешле төрле төстәге күлмәкләрен, ә егетләрнең костюмнарын, аларның бәхеттән балкыган йөзләрен күрергә байтак яңачишмәле килгән, ә төп тамашачылар, әлбәттә, бәйрәм геройларының әти-әниләре һәм укытучылары иде. Лариса ФЕДОРОВА Район чарасының тантаналы өлешендә район башлыгы Вячеслав...
Район мәктәпләреннән 120 чыгарылыш сыйныф укучысы Яңа Чишмә РМЙ бинасы янына чыгарылыш балына җыелдылар. Кызларның буй-сыннарына килешле төрле төстәге күлмәкләрен, ә егетләрнең костюмнарын, аларның бәхеттән балкыган йөзләрен күрергә байтак яңачишмәле килгән, ә төп тамашачылар, әлбәттә, бәйрәм геройларының әти-әниләре һәм укытучылары иде.
Лариса ФЕДОРОВА
Район чарасының тантаналы өлешендә район башлыгы Вячеслав Козлов, район башлыгы урынбасары Наилә Закирова, район башкарма комитет җитәкчесе Ринат Фәсахов һәм аның урынбасарлары - Надежда Попкова белән Валентина Семеняклар катнашты. Аларның һәркайсы чыгарылыш укучыларына иң изге теләкләрен җиткерде, аерым алганда Вячеслав Михайлович: "Сез нинди генә һөнәр сайласагыз да, ул сезгә матди байлык һәм мораль яктан канәгатьлек китерсен", - диде.
Район башлыгы мәктәпне уңышлы тәмамлаучыларга медальләр һәм истәлекле бүләкләр тапшырды, алар быел - 18. Шуның 12се мәктәпне алтын медальгә тәмамлаган. Менә алар: Нина Кокина һәм Екатерина Тропынина (Архангел урта мәктәбе), Алена Лихачева, Наталья Страхова, Денис Совков (Яңа Чишмә гимназиясе), Лилия Әхәтова, Татьяна Емелина, Наталья Скокова (Яңа Чишмә урта мәктәбе), Любовь Мироненко, Мария Ушакова (Петропавел урта мәктәбе), Татьяна Белоглазова, Ксения Ерофеева (Черемухово урта мәктәбе); 6 укучы - көмеш медальгә: Мәрьям Гәрәева, Юля Демидова, Кадрия Исмәгыйлова (Ленино мәктәбе). Айгөл Сәлахетдинова, Ирина Бушенева (Яңа Чишмә гимназиясе), Диана Трещеткина (Екатерина мәктәбе). Медалистларны көчле алкышлар белән хөрмәтләделәр, ә аларның әти-әниләре адресына балаларына яхшы тәрбия биргәннәре өчен ихтирам һәм рәхмәт сүзләре җиткерелде.
Чыгарылыш сыйныф укучыларының бөтерелеп вальс биюе - бәйрәм кичәсенең иң күңелле мизгелләре булды. Бүгенге чара - очрашу барысына да каршылыкларны җиңеп, хәерле һәм бәхетле юл вәгъдә итүче фейерверклар белән төгәлләнде. Ә алда исә егет һәм кызларны яңа тормыш башлау символына әверелгән бергәләп таң атуын каршылау көтә иде.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев