Илһамлы чишмә

Габдулла Тукай - татарларның бөек шагыйре генә түгел, ул әле безнең бөек рухландыручыбыз да. Күпме шагыйрь, язучы аның иҗаты, шәхесе белән илһамланып, нинди матур әсәрләр иҗат иткәннәр. Апрель аенда аның иҗаты белән кызыксынучылар бермә-бер арта. Әле мин белгәннәре генә дә: "Илһамлы каләм", "Каурый каләм", шигырь бәйгеләре үткәрелде. Шундыйлар арасына әле 6 май көнне генә булып узган "Илһамлы чишмә" конкурсы да керә. Бу конкурсны оештыручылар арасында: Рәфис Корбан, Фәйрүзә Мөслимова, Йолдыз Шәрапова, Хатыйп Миннегуловлар. Үземнең беренче урын алуымда әти-әниемнең һәм аеруча укытучым Гыйльманова Кадрия Кыям кызының өлеше зур. Форсаттан файдаланып, аларга рәхмәт әйтәсем килә.

Сәлахова Алсу,

Чаллы Башы авылы