Күңелле һәм нурлы тантана
Мәдәният йортында район мәктәпләре һәм мәктәпкәчә яшьтәге балалар учреждениеләре педагогларын һөнәри бәйрәмнәренә багышланган тантаналы чарада күңелле сюрприз көтә иде. Инде традициягә әверелгән бүләкләр, чәчәкләр тапшырудан тыш, алар өчен район мәгариф бүлеге чакыруы буенча Казан, Түбән Камадан килгән артистлар чыгыш ясады. Ольга ИВАНОВА Бәйрәм башкаладан килгән аккордеончы һәм баянчы дуэты башкаруында...
Мәдәният йортында район мәктәпләре һәм мәктәпкәчә яшьтәге балалар учреждениеләре педагогларын һөнәри бәйрәмнәренә багышланган тантаналы чарада күңелле сюрприз көтә иде. Инде традициягә әверелгән бүләкләр, чәчәкләр тапшырудан тыш, алар өчен район мәгариф бүлеге чакыруы буенча Казан, Түбән Камадан килгән артистлар чыгыш ясады.
Ольга ИВАНОВА
Бәйрәм башкаладан килгән аккордеончы һәм баянчы дуэты башкаруында попурридан башланып китте. Дәртле көйләр, ике телдә оста итеп башкарылган заманча җырлар, матур биюләр, конферансьеның үткен шаян сүзләре зыялы публика - тамашачыларның көчле алкышларына күмелде. Залда алгы рәтләрдә быел үзләренең юбилейларын билгеләп үтүче педагогик хезмәт ветераннары урын алган иде.
Район башлыгы Вячеслав Козлов сәламләү сүзләре белән чыгыш ясап, аларга Рәхмәт хатлары һәм бүләкләр тапшырды, ә аннан соң чират педагогик өлкәдә хәзергесе вакытта хезмәт куючыларга җитте. Яңа Чишмә урта мәктәбендә инглиз теле укытучы, директор урынбасары Александр Еронтьев ТР Фән һәм мәгариф министрлыгының "Мәгариф өлкәсендә күрсәткән өчен" күкрәк билгесе белән бүләкләнде, өч педагогка республиканың Мактау грамоталары тапшырылды, Черемухово балалар бакчасы тәрбиячесе Лариса Софонова район башлыгының Мактау грамотасын алды. Сәхнәдә эшчәнлегенә 25 ел тулуны билгеләп үтүче, хәзергесе вакытта укыткан юбиляр укытучыларны һәм педагогларны (10 кеше) котладылар. Аларга атап иң изге теләкләр, котлаулар җиткерелде. Укучылары ел саен республика олимпиадаларында призлы урыннар алган татар теле һәм әдәбияты укытучысы Кадрия Гыйльманова (Чаллы Башы мәктәбе) һәм "Мәгариф" милли проекты кысаларында үткән конкурста җиңү яулаган, "Безнең иң әйбәт укытучыбыз" гранты иясе татар теле һәм әдәбияты укытучысы Резидә Газыймова (Зирекле агролицее), югары нәтиҗәләргә ирешкән тагын 12 педагог РМБ-нең Мактау грамоталарына лаек булдылар, "Ел укытучысы", "Иң әйбәт сыйныф җитәкчесе" район конкурсы этабында үз мәктәпләренең данын яклаучы укытучылар бүләкләнде. Укучыларның яраткан укытучыларына ясаган бүләкләре концертның иң күңелле мизгелләре булды: Укытучыларга рәхмәт йөзеннән Яңа Чишмә гимназиясе укучысы Гөлназ Насыйрова һәм район мәктәпләреннән укучылар җыр һәм биюләр башкардылар. Аларның югары осталыкта башкарган чыгышы һәркемгә уңай эмоция һәм күңел, күтәренкелеге биреп, кунаклар чыгышын тәмамлады.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев