Күңелле һәм нурлы тантана
Быел Яңа Чишмә урта мәктәбендә ССУЗ га һәм ҺУ на укырга керергә ниятләгән унбиш 11 сыйныф һәм 9 нчы сыйныф укучылары өчен соңгы кыңгырау чыңлады. Әлеге бәйрәм алар күңелендә якты һәм дулкынландыргыч хатирә булып калачак һәм сакланачак. Бу көнне алар олы тормышка аяк басулары уңаеннан мәктәп директоры Ольга Лазарева, сыйныф...
Быел Яңа Чишмә урта мәктәбендә ССУЗ га һәм ҺУ на укырга керергә ниятләгән унбиш 11 сыйныф һәм 9 нчы сыйныф укучылары өчен соңгы кыңгырау чыңлады.
Әлеге бәйрәм алар күңелендә якты һәм дулкынландыргыч хатирә булып калачак һәм сакланачак.
Бу көнне алар олы тормышка аяк басулары уңаеннан мәктәп директоры Ольга Лазарева, сыйныф җитәкчесе Лидия Забелина, беренче укытучылары Ольга Козлова, ата-аналары исеменнән, чыгарылыш сыйныф укучысының әтисе Газинур Әхәтовларның үгет-нәсихәт сүзләрен ишеттеләр. Район башлыгы Вячеслав Козловның чыгарылыш сыйныф укучыларына юлланган мөрәҗәгатен район башкарма комитет җитәкчесе урынбасары Валентина Семеняк җиткерде һәм үзе дә аларны чын күңелдән котлады.
Кечкенә һәм урта сыйныфларда укучы балалар һәр 11 нче сыйныф укучысына атап язылган шигырьләр һәм җырлар башкардылар, бу көннең истәлеге итеп мәктәп значоклары шикелле сувенир-значоклар бүләк иттеләр. Чыгарылыш сыйныф укучылары үзләре дә педагогларны, ата-аналарны, укучыларны сөендерергә тырыштылар, тәрбиячеләренә булган олы рәхмәт хисләрен белдерделәр. Тантаналы линейкада уку алдынгыларына, республика һәм Бөтенрусия олимпиадаларында җиңүчеләргә һәм призлы урыннар яулаучыларга Мактау грамоталары, дипломнар тапшырылды. Күптән түгел Воскресенск шәһәрендә Бөтенрусия кадет класслары слетында җиңү яулаган кадетчыларга конкурс номинацияләрендә 1, 2 һәм 3 урын өчен дипломнар тапшырылды. Аларга слетта катнашучылар - "Сәмум" командасы, команданы бик шәп хәзерләгән җитәкчеләр: Юлия Сәйфуллина белән Владимир Чернышов ия булды.
Ниһаять, чыгарылыш сыйныф укучыларын, укытучыларын - башка беркайчан кабатланмас мизгелләрне фотога төшерделәр. Хушлашу кыңгыравы шалтырады, аны мәктәп тәмамлаучы Булат Сәхәбиев белән беренче сыйныф укучысы Наташа Юдинцева чыңлатты. Мәктәп тәмамлаучылар өчен бу - хушлашу, аерылышу, зур тормышка аяк басу (тиздән алар өчен киеренке көннәр - бердәм дәүләт имтиханнары башлана), ә калган балалар өчен җәйге каникулга чыгу мизгелләре.
Ольга ИВАНОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев