Сынау имтиханнарын ничек биргәнннәр
26 һәм 27 мартта укучылар Яңа Чишмә урта мәктәбе һәм Яңа Чишмә гимназиясендә математикадан БДИ (ЕГЭ) һәм рус теленнән ДЙА (ГИА) - имтихан (репетиция) тапшырып карадылар. БДИ буенча 107, ДЙА буенча 196 укучы үз белемнәрен тикшереп караса, процедураны оештыручылар бу җаваплы рольдә тәҗрибә тупладылар.
Нәтиҗәләр шуны күрсәтте: математика буенча укучыларның 76 проценты минималь чикне уза алган, калган 24% икелегә биргән. Тубылгы Тау, Ленино, Красный Октябрь, Волчья Бистәсе, Архангел, Зирекле мәктәпләре укучыларының нәтиҗәсе бик үк әйбәт түгел - "неудов" алучылар күп. Яңа Чишмә, Чаллы Башы һәм Шахмай мәктәпләренең чыгарылыш сыйныф укучылары сынау имтиханын (БДИ) икелесез тапшырганнар. Иң югары гомуми уртача балл - Яңа Чишмә, Чаллы Башы, Черемухово мәктәпләрендә, иң түбәне - Архангел, Ленино, Тубылгы Тау, Әдәмсә мәктәпләрендә.
Яңа Чишмә урта мәктәбе укучысы Настья Селиверстова иң күп балл (81) җыйган.
Рус теленнән дәүләт йомгаклау аттестациясенә хәзерлек дәрәҗәсен (ГИА) тикшергәндә укучыларның 32 проценты (64 кеше) белемнәрне "4" һәм "5" легә, ә 16 проценты икелегә эшләгән.
Архангел мәктәбе һәм Яңа Чишмә гимназиясе гомуми мәктәп исәбендә (40 балл) югары балл алганнар. Әлеге мәктәпләрдә 2 укучы: Настя Богомолова (гимназия) һәм Крестина Барсукова (Архангел мәктәбе) иң югары балл җыйганнар. Канәгатьләнерлек булмаган билге алучылар иң күбе Красный Октябрь, Тубылгы Тау, Петропавел, Екатерина Бистәләре мәктәпләрендә. Волчья Бистәсе һәм Чаллы Башы мәктәпләре укучылары (укучыларның 80 проценты "4"һәм "5"ле алган) мәктәп буенча уртача билге - "4"ле алганнар, ә калган мәктәпләрдә уртача билге - 3 - 3,5. Иң күп ударникларны Яңа Чишмә гимназиясе биргән - барлык гимназиячеләр санының 47%ы. Сынау имтиханнарыннан соң нәтиҗә бер: әлегә чын БДИ һәм ГИА-га кадәр вакыт бар, тагы да ныграк укырга, шөгыльләнергә кирәк.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев