Теләкләр бер чынга аша
Сүземне кайдан башларга да белми торам, чөнки шушы мәкаләмне язуымның сәбәбе берничә. Беренчедән, 4 ноябрьдә мәдәният йортында узган "Көзге бал" бәйрәме турында язасым килә. Бәйрәм көннәре, ял булганлыктан, көзге балда яшьләр бик күп җыелды: студентлар да кайткан, күрше авылларда килгән, мәктәп укучылары да байтак. Рәхәтләнеп туйганчы уйнадык, биедек, җырладык без...
Сүземне кайдан башларга да белми торам, чөнки шушы мәкаләмне язуымның сәбәбе берничә. Беренчедән, 4 ноябрьдә мәдәният йортында узган "Көзге бал" бәйрәме турында язасым килә. Бәйрәм көннәре, ял булганлыктан, көзге балда яшьләр бик күп җыелды: студентлар да кайткан, күрше авылларда килгән, мәктәп укучылары да байтак. Рәхәтләнеп туйганчы уйнадык, биедек, җырладык без ул кичтә. Аерым-аерым ярышлар да булды, бөтенебез бергә дә ярыштык. Беркем дә ялындырып тормады. Кызларыбыз җырлаганда исә, ял итеп алырга да өлгердек. Бар да шат, менә дигән бәйрәм оештырган мәдәният хезмәткәрләре.
Шушы урында язуымның икенче сәбәбенә күчәргә вакыт җиткәндер диеп уйлыйм. Быел, ниһаять, безнең клубка да зур ремонт ясалды. Бина, чын мәгънәсендә, яңадан салынган кебек: пластик тәрәзәләр, күңелгә ятышлы итеп буялган стена, мәрмәр идәннәр, евро итеп эшләнгән түшәмнәр - боларны шәһәрнең күп биналарында да очратып булмый әле. Салкын, ишелергә торган клубтан соң бу, чыннан да, җәннәт йорты. Мәдәният хезмәткәрләре дә шат: җылы, матур эш урынына килеп, яңадан-яңа чаралар оештырып кына торалар. Һәркем үз авылының клубы шундый булуын теләр иде, әлбәттә. Безгә ярдәм итүчеләр дә табылды, аллага шөкер. Безгә шундый зур шатлык бүләк итүче Шәүкәт Сабиров җитәкчелегендәге "Шешмастрой" ҖЧҖ төзүчеләренә, районыбыз башлыгы В.М. Козловка барлык авыл яшьләре, студентлар, мәдәният хезмәткәрләре, авыл халкы, ветераннар исеменнән чиксез рәхмәтебезне белдерәбез. Авыл халкы бу изге эшегезне беркайчан да онытмаячак, күңелендә мәңге саклаячак.
Куаныч шул хәтле көчле ки, хәтта вакыйгаларны соңыннан башлап кителгән. Ә бит 4 ноябрьгә хәтле дә бик күп чаралар булып узды бездә. Барысы да 10 октябрьдә клубны ачу тантанасыннан башланып китте, 13 нче октябрьдә сезон ачылу билгеләп үтелде. Безнең "Таллир тәңкә" ветераннар ансамбле дә тик тормый, авылларда гөрләтеп концертлар куйды. Бер айга күпме чара! Ә алда күпме күңелле бәйрәмнәр, яллар. Эшләргә, ял итәргә шундый мөмкинлекләр тудыручылар булганда, нигә әле һәр көнебезне бәйрәмдәй үткәрмәскә!
Барлык авыл халкы исеменнән
Динара Гатина,
Чаллы Башы авылы
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев