«Үз дөньябызны үзебез төзибез»
1 гыйнвардан 30ына чаклы Яр Чаллы шәһәренең Балалар һәм яшьләр иҗат сараенда физик мөмкинлекләре чикле балалар һәм яшьләрнең "Үз дөньябызны үзебез төзибез" дип аталган декоратив-кулланма сәнгате буенча республика күргәзмәсе үткәрелде. Бу конкурста Яңа Чишмә башлангыч мәктәп-балалар бакчасыннан физик мөмкинлекләре чикле балалар: Илүзә Вәлиуллина, Гөлнара Зиниятуллина, Анна Барсукова, Эдуард Сипатров (аппликация,...
1 гыйнвардан 30ына чаклы Яр Чаллы шәһәренең Балалар һәм яшьләр иҗат сараенда физик мөмкинлекләре чикле балалар һәм яшьләрнең "Үз дөньябызны үзебез төзибез" дип аталган декоратив-кулланма сәнгате буенча республика күргәзмәсе үткәрелде.
Бу конкурста Яңа Чишмә башлангыч мәктәп-балалар бакчасыннан физик мөмкинлекләре чикле балалар: Илүзә Вәлиуллина, Гөлнара Зиниятуллина, Анна Барсукова, Эдуард Сипатров (аппликация, бәйләнгән уенчык, бисер белән чигү номинацияләрендә) актив катнаштылар.
30 гыйнварда анда катнашучылар һәм аларның җитәкчеләре күргәзмәне ябу тантанасына чакырылдылар. Балалар белән шөгыльләнгән (әзерләгән) укытучылар: Гөлназ Гыйльметдинова белән Елена Романова "Инвалидларга һөнәри юнәлеш бирү һәм хезмәт белән тернәкләндерү технологиясе" дип аталган интернет-конференциядә катнаштылар. Ә 2 нче сыйныфта укучы Гөлнара Зиниятуллина, Илүзә Вәлиуллина (җитәкчеләре Г.Н. Гыйльметдинова) Балалар «шәфкатьлелек орденында» тәрбияләнүче 230 кеше арасында үз яшьтәшләре арасында җиңү яуладылар. Аларны II, III дәрәҗә дипломнар һәм "Бердәм Рәсәй" партиясенең Яр Чаллы бүлегеннән "Художник" кибете сертификатлары белән бүләкләделәр. Балаларны һәм аларның җитәкчеләрен лаеклы җиңүләре белән котлап, киләчәктә дә уңышлар һәм иҗат казанышлары телибез.
Илүзә ФӘТХЕТДИНОВА,
оештыручы-педагог
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев