18 апрельдә «Созвездие-Йолдызлык 2024» фестиваленең суперфиналы тәмамланган

Районыбызның данын яклаучылар:

Вокалчылар:

 Ерашова Анастасия
 Бочкарев Даниил
 Янова Дарья
«Родничок» вокаль ансамбле 
«Шешминка» хореография ансамбленең «Звонкие капельки» төркеме
«Шешминка» хореография ансамбленең «Солнечное сияние» төркеме

15 апрельдән 18енә кадәр фестивальдә «Хореография» номинациясендә катнашучылар УНИКС коридорларында үз номерларын репетицияләгәннәр. Ә М. Сәлимҗанов исемендәге Актерлар йорты җырчыларның искиткеч тавышлары белән тулыланган.

16 апрельдә вокал һәм хореография буенча мастер-класслар үткән. Аларны ТРның атказанган сәнгать эшлеклесе, профессор, заманча сәнгать институтының эстрада-джаз җырлау кафедрасы мөдире, Беренче канал музыкаль проектларының вокаль режиссеры (Мәскәү шәһәре) Марина Владимировна Полтева һәм «Борис Эйфман бию академиясе» пластик экспрессивлык һәм актерлык осталыгы бүлеге җитәкчесе, театр һәм кино актрисасы, педагог хореограф, Санкт-Петербургта ЮНЕСКО бию Советы спикеры, Россия фигуралы шуу федерациясе хореографы (Санк-Петербург шәһәре) Елизавета Евгеньевна Навиславскаялар үткәргән.

Яңа Чишмә районы яхшы нәтиҗәләр күрсәткән һәм түбәндәге урыннарны алган:

«Родничок» вокаль ансамбленә халык традицияләрен саклаган өчен махсус приз УНИКСта үткән гала-концертта тапшырылган. 
«Шешминка» хореография ансамбленең «Солнечное сияние» төркеме - Катнашучы дипломы
«Шешминка» хореография ансамбленең «Звонкие капельки» төркеме -Катнашучы дипломы
Вокалчы Бочкарев Даниил - Катнашучы дипломы
Вокалчы Янова Дарья - Катнашучы дипломына лаек булганнар.

Ләкин бу гына түгел әле!

25 апрельдә ПИРАМИДА КРКда Гала-Концерт һәм бүләкләү тантанасы узачак, анда безнең вокалчыбыз Ерашова Анастасия «Расыпала Маланья бобы» җыры белән катнашачак. Аңа уңышлар телибез.

Финалчыларыбызны җиңүләре белән котлыйбыз, аларга сәламәтлек бәхет һәм иҗади уңышлар телибез.