2018 ел мәдәният өлкәсендәге вакыйгаларга бай булды

Төп вакыйгалар: Рус Чабаксары авылында күп функцияле мәдәни үзәк файдалануга тапшырылды һәм Шахмай авыл мәдәният йорты капиталь ремонтланды. 2019 елга Акъяр һәм Зирекле авылларында клуб учреждениеләрен ремонтлау планлаштырылган. 
-Узган ел клуб учреждениеләре эшчәнлегендә халык иҗатының барлык жанрларын саклап калу һәм үстерү, талантлы авторларны һәм башкаручыларны эзләү һәм тәрбияләү өстенлекле юнәлешләрнең берсе булды. Хәзерге вакытта районда 116 түгәрәк эшли, аларда 1138 кеше шөгыльләнә, бу 2017 ел күрсәткечләреннән 4,5% ка артыграк. Түгәрәкләрдә 528 бала, 189 өлкән яшьтәге кеше кызыксынып шөгыльләнә, калганнары - эшкә яраклы яшьтә.
Тубылгытау, Петропавел, Акъяр, Акбүре, Волчья, Красный Октябрь һәм Рус Чабаксары клублары да түгәрәкләр  санын арттырды.
Клуб системасы тарафыннан 6791 чара уздырылган, шул ук вакытта халык өчен мәдәни ялның төрле формалары - бәйрәм һәм театральләштерелгән программалар, массакүләм һәм халык күңел ачулары, концертлар һәм бәйрәмнәр, уен, күңел ачу һәм конкурс чаралары, шулай ук зона һәм республика дәрәҗәсендәге фестивальләр һәм конкурсларда катнашулар кулланылган. Алар арасында район оешуның 35 еллыгына багышланган иҗат отчетлары, Җиңү көнен, Россия һәм Татарстан Республикасы көнен бәйрәм итүгә, Сабантуйга, авыл көннәренә, Гаилә, мәхәббәт һәм тугрылык көненә, "Нечкәбил-2018" Республика матурлык, гаилә һәм ана булу республика конкурсының зона этабы һәм “Выля, хуткупас!” чуаш халык иҗатының VIII республика фестиваль-конкурсының аеруча ачык һәм киң күләмдә үткәрелүен аерым билгеләп үтәргә мөмкин. 
Менә инде берничә ел дәвамында 7 үзешчән сәнгать коллективы үз эшен дәвам итә. Узган ел «Сувенир», «Илем» ансамбльләре үзләренең 30 еллыгын һәм «Архангел чибәре» вокаль коллективы исә 25 еллыгын каршы алды. Быел «Халык» исеменә “Яңа Чишмә таңнары” җыелма хоры, Яңа Чишмә районының “Селяночка” һәм “Зажигай” коллективлары, Ленино авылының “Околица” ансамбле һәм Тубылгытау авыл мәдәният йортының “Нур” театр коллективы заявка биргән.  
143 киносеанс, шул исәптән 63 күчмә кино күрсәтү оештырылган. 9 майда, Россия һәм Татарстан Республикасы көннәрендә урамда кинолар күрсәтү оештырылды. Августта «Кино төне» бөтенроссия акциясен һәм «Урам киносы фестивале»исеме астында кыска метражлы кино эстафетасы хупланды. Район мәдәният йортында «Минем яраткан фильмым» киноклубы эшли, анда һәр чәршәмбе 19 сәгатьтә тамаша залында Россия режиссерлары фильмнары күрсәтелә. Бер ел эчендә 830 кеше булды. 
Районда 23 китапханә, аларда 24 түгәрәк эшли. Анда 280 кеше эштән буш вакытын үткәрә. Традицион чаралардан тыш, китап күргәзмәләре һәм әдәби күзәтүләр, китаплар тәкъдир итү һәм язучылар белән очрашулар, китапханәләр түбәндәге акцияләрдә һәм конкурсларда катнаштылар: Бөтенроссия күләмендә - «Балаларга сугыш турында укыйбыз», «Библионочь – 2018», «Безнең башлангычлар». «Фольклор укыйбыз», «Россиядә Пушкин көне», «Балалар һәм яшүсмерләр китабы атналыгы», республика күләмендә «Тукайны укыйбыз», «тормыш җыр кебек», район акцияләрендә: «Паркта җәй» һәм «Яшүсмер». Күп кенә чаралар Бөек Җиңүне, ТАССРның 100 еллыгын һәм ВЛКСМның 100 еллыгын бәйрәм итүгә бәйле иде. Үткәрелгән чараларның саны һәм сыйфаты буенча Яңа Чишмә, Ленино, Петропавел, Красный Октябрь, Черемухово, Әдәмсә һәм Яңа Иванаево китапханәләре иң уңышлы булып кала. 
Муниципаль китапханәләрнең китап фонды 4 846 данәгә тулыланды һәм 240 824 китап тәшкил итте. 62 исемдәге газета-журналга язылу оештырылган. Әмма бу җитәрлек түгел, чөнки китапханәләрнең китап фондларын яңарту дәрәҗәсе элеккечә түбән булып кала бирә, норматив 7% булганда, ул нибары 2% билгесендә тора.       
Музей системасында 10 фонд коллекциясе бар. Музей хезмәткәрләре Бөек Ватан сугышы чоры материалларын җыюны дәвам итәләр. Узган елның якты вакыйгасы булып «Сугыш еллары хатлары. 1941-1945 еллар» фотокүргәзмәсе булды.  Виртуаль музейның Яңа Чишмә корреспондент пункты 20 дән 17 урынга күтәрелде. Халык иҗаты һәм көнкүреше музее документлар, фотолар, газета һәм басма материаллар җыеп ВЛКСМ, ТАССРның 100 еллыгына әзерләнү һәм үткәрү буенча көндәлек эзләнү эшен алып барды, редакция-нәшрият эшчәнлеген дәвам итте. Хисап чорында  авторлар һәм музейның фәнни хезмәткәре М. Г. Газыймовның уртак тырышлыгы белән гомуми бәясе 60 000 сум булган авторлар акчасына чыгарылган 2 китап дөнья күрде. “Хәтер тамчылары” китабының чираттагы саны өчен бәетләр җыю эше алып барыла. Барлыгы музейда 1894 бәет бар, аларның 704 се җыентыкларга кертелгән. Бу татар халкының бәһасез мәдәни һәм рухи мирасы.
 Балалар сәнгать мәктәбендә 2018-2019 уку елында 6 яшьтән 17 яшькә кадәрге 192 кеше белем ала. Беренче сыйныфка 55 укучы килде, шуларның 18е авыл җирлекләреннән. Шулай ук биредә 3 инвалид бала белем ала. 
 Ел нәтиҗәләре буенча концертларда, сәнгать күргәзмәләрендә, фестивальләрдә, конкурсларда һәм дәрестән тыш эшчәнлекнең башка төрләрендә катнашучы балалар өлеше гомуми саннан 83% тәшкил итте һәм хисап чорында алар 36 район, республика, бөтенроссия һәм халыкара конкурсларда һәм фестивальләрдә катнашты. 88 катнашучы һәм коллектив лауреат һәм дипломант булды.