64 ел Чаллы Башы мәдәният йорты сәхнәсендә
25 июнь көнне Чаллы Башы мәдәният йорты хезмәткәрләре һәм Шахмай авыл җирлеге башлыгы ильяс Гаризов барлык авылдашлары исеменнән "Талир тәңкә" ветераннар ансамбле солисткасы Шакирова Разыя Низам кызын 70 яшьлек юбилее белән котладылар.
Разыя Низам кызы 1949 елда Чаллы Башы авылында туа. Кече яшьтән ул сәхнәдә. Аның тавышы белән хозурланган укытучысы алты яшьлек Разыяны район фестиваленә алып бара. Шул вакыттан бирле ул барлык концертларда, фестивальләрдә һәм сәнгать смотр-конкурсларында актив катнаша. Авылдашлары аның җырлавын көтеп ала һәм һәр чыгышы тамашачыларның көчле алкышларына күмелә. Разыя Шакирова искиткеч моңлы тавышка ия (моны күп санлы Дипломнар, грамоталар, район конкурслары һәм фестивальләрендә бирелгән истәлекле бүләкләре дә раслый), өстәвенә ул киң күңелле кеше дә (бу хакта күп санлы дуслары сөйли).
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев