8 Март бәйрәме уңаеннан Ленино АМЙда хатын-кызлар көненә багышланган «Язгы елмаюлар» концерт - конкурс программасы узган
Яз белән бергә безгә искиткеч матур бәйрәм - 8 Март - Халыкара хатын-кызлар көне дә килә. Бу көн кояш нурлары, хатын-кызларның елмаюлары, чәчәк бәйләмнәре бүләк итү белән бәйле.
Концерт программасы бик кызыклы булган: мәдәният йорты иҗат коллективлары тамашачыларга бик матур концерт бүләк иткәннәр, анда тамашачылар яратып өлгергән номерлар да, шулай ук махсус бәйрәм көненә әзерләнгән чыгышлар да күрсәтелгән, тамашачылар арасында бәйгеләр үткәрелгән, дөрес җаваплар бирүчеләргә призлар таратылган.
Балалар бакчасының кечкенә артистлары да тамашачыларга зур шатлык бүләк иткәннәр, алар, кечкенә булуларына карамастан, мәдәният йорты сәхнәсендә матур чыгыш ясаганнар. Үзешчән сәнгатьтә катнашучыларның концерт номерлары көчле алкышларга күмелгән.
Без барлык хатын - кызларга да аларның тормышының һәр көне бу искиткеч яз бәйрәме кебек - хөрмәт, мәхәббәт һәм наз белән тулы булуын телибез!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев