Бәйрәм алдыннан очрашу
Халыкара хатын-кызлар көне алдыннан Зирекле музеенда ел саен традициягә әверелгән солдат әниләренең очрашуына булачак солдатларның әниләре килгән иде, чөнки хәзер авыл егетләренең берсе дә действительный хәрби хезмәт үтми. Шуңа күрә бәйрәмгә Зирекле лицееның 1-10 нчы сыйныфларда укучы балаларның (11 нче сыйныфта егетләр юк) һәм 2010-2012 елларда армия һәм флот хезмәтендә...
Халыкара хатын-кызлар көне алдыннан Зирекле музеенда ел саен традициягә әверелгән солдат әниләренең очрашуына булачак солдатларның әниләре килгән иде, чөнки хәзер авыл егетләренең берсе дә действительный хәрби хезмәт үтми. Шуңа күрә бәйрәмгә Зирекле лицееның 1-10 нчы сыйныфларда укучы балаларның (11 нче сыйныфта егетләр юк) һәм 2010-2012 елларда армия һәм флот хезмәтендә булып кайткан егетләрнең әниләре чакырылган иде.
Бүгенгесе көндәге армия торышы, дисциплина турында, гаиләдә улларының кайтуларын ничек көтүләре хакында ихластан сөйләшү алып бардык.
Һәммәсенең дә фикере бер иде: хезмәт итәргә, ватанны сакларга кирәк, хөкүмәт булганда, армия кирәк әле. Газеталарда язылганча, тыныч вакытларда да, дөньяда 2011 елда 35 хәрби конфликт булды.
Димәк, Зирекледә яшәүче 33 малайга киләчәктә армия хезмәте үтү бурычы тора. Яшь әни Гөлзидә Фәхретдинова әйтеп үткәнчә, бу хакта уйларга иртәрәк әле, балалар әле мәктәптә генә укый, тик алар моңа алдан әзерләнәләр, Ватанны саклау - һәр ир-атның изге бурычы икәнлеген аңлыйлар.
"Өмет" хатын-кызлар советы рәисе Фәридә Вәгыйзова (аның улы әле "Йолдыз" балалар бакчасына гына йөри) бәйрәмгә җыелган әниләргә җылы сүзләр белән мөрәҗәгать итте. Авыл китапханәчесе Разыя Кадыйрова төрле шагыйрьләрнең бик матур шигырьләреннән төзелгән шигырь «бәйләме» бүләк итте. Ул музей кунаклары - әниләрнең исемнәре кергән дүрт юллык шигырьләрне (җырлардан) махсус әзерләгән.
Бәйрәмне оештырырга Шахмайдан Зәкия Гарифуллина, Гөлсирә Вәгыйзова, Акбүредән Гөлсылу Мусина, Яр Чаллыдан Наил Газыймов, Тәнзилә Кыямовалар ярдәм итте. Кунаклар үзләре дә буш кул белән килмәгәннәр. Чын күңелдән ярдәм итүегез өчен барыгызга да зур рәхмәт.
Мидхәт ГАЗЫЙМОВ,
Зирекле авылы
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев