Чаллы Башы мәдәният йортында районкүләм «Сагындыра яшьлек еллары» дип исемләнгән ретро-җыр бәйрәме булып үзган

-Ретро-җырлар - буыннан буынга күчеп килә торган мирас. Бу җырлар хәзер дә күңелгә тынычлык бирә, сүзләре һәм көе кешене тәрбияли. Аларны башкару чыннан да зур җаваплылык һәм башкара алган кеше өчен дә горурлык. 

Җырчылар ничә буын аша үткән җырларны тере тавыш белән сыйфатлы итеп тамашачыга җиткерә алдылар. Әлеге кичәдә Зирекле, Тубылгы Тау, Акбүре, Чертуш, Шахмай, Чаллы Башы авылы җыр сөючеләре катнашты. Катнашучыларны Шахмай авыл җирлеге башлыгы Наилә Илалова, Яңа Чишмә район мәдәният бүлеге җитәкчесе Галина Носовалар котлады. Барлык катнашучыларга да «Ак калфак» хатын-кызлар оешмасының Рәхмәт хатлары, бүләкләр тапшырылды.