Чираттагы Җиңү!

 Әлеге чарада 46 фольклор коллективы, Татарстанның 33 районыннан (барлыгы 300 ләп татар халык авыз иҗатын йөртүче) аерым башкаручылар катнаша.

Бу фестиваль еллар дәвамында үзенчәлекле бәйрәмгә әверелде. Биредә татар халык авыз иҗатын яратучылар һәм йөртүчеләр, шулай ук дуслар очраша. 8 ел буе уздырылу сәбәпле ул Республикада төрле буыннан торган тулы бер команда туплады һәм Татарстанның истәлекле мәдәни брендына әйләнде. Фестиваль аркасында татар халык аваз иҗаты үсә, традицияләр саклана.

Тыңлау һәм караулар төгәлләнгәч, смотр-конкурска нәтиҗә ясалды һәм лауреат, дипломантларны бүләкләячәкләр. Әлеге бәйрәмнең кульминациясе мәдәният йорты каршындагы мәйданда «Тугәрәк уен» булды

Безнең район данын әлеге бәйгедә  «Ак калфак» халык ансамбле яклады  (җит. Вафина А. Ю.).  Ансамбльнең эшен жюри бик югары бәяләде, ул  III дәрәҗә лауреаты булды,. Ә такмаклар башкаруында 6 район арасында безнең ансамбль мактаулы I урынны яулады, көчле коллективлар белән көч сынашса да.

Фестиваль лауреатлары 28-30 июньдә Ульяновск өлкәсе Иске Кулатка районында узачак «Түгәрәк уен» татар фольклорының Х Бөтенрәсәй фестивалендә катнашачак. Беренче тапкыр да фестиваль 2008 елда әлеге төбәктә башланып киткән иде. Ун елдан соң фестиваль кабат биредә уздырылачак. Узган елларда фестиваль Самара, Свердлоу, Төмән өлкәләре, Пермь крае, Мари Иле, Кырым республикасында үткәрелде. Татарстанда ул ике тапкыр (Болгар һәм Казан шәһәрләрендә) үткәрелде.

Тубылгы Тау авыл мәдәният йорты мөдире                            Вафина А.