Чирмешәннән иҗади десант

Концерт алдыннан яңачишмәлеләрне район мәдәният бүлеге начальнигы Галина Носова сәламләде, ул аларга бик яхшы ял итәргә һәм күршеләребез чыгышларыннан ләззәт алырга кушты. Артистларның дәрәҗәсе бик югары иде: искиткеч моңлы тавышлар, җыр һәм биюләрнең профессиональ башкарылуы, дәртле конферанс, искиткеч концерт костюмнары, бигрәк тә милли: чуаш, мари, татар һәм башка милли костюмнар турында сөйләп тә торасы юк.
Ике сәгатьлек программада алар тамашачылар игътибарына Татарстан һәм дөнья халыкларының музыкаль мәдәниятен, рус һәм татар телләрендә заманча популяр җырларны тәкъдим иттеләр. Алар-концертны алып баручы Альмир Жораев, солистка Мария Рыбкина, шулай ук «Сәрвиназ»ансамбленнән Әлфия Закирова һәм Таҗкия Кәримова дуэты һәм солист Салават Закиров. Татар, чуаш, мари һәм һинд биюләрен Ләйсән Фәттахова башкарды. «Самаит»квинтеты дәртле чуаш җырлары һәм биюләре белән истә калды. Авыл халкы чыгышларны бик җылы кабул итте.
Моннан тыш, чарада ТР Дәүләт Советы депутаты Шамил Яһудинның ышанычлы вәкиле буларак, яңачишмәлеләргә район мәгариф бүлеге начальнигы Александр Еронтьев мөрәҗәгать итте.
Концерт ахырында Чирмешән мәдәният йорты коллективлары һәм солистларына Яңа Чишмә мәдәният бүлегенең матур концерт өчен Рәхмәт хатлары тапшырылды. Кунаклар, үз чиратында, җылы кабул итүләре өчен тамашачыларга рәхмәт әйттеләр, аның белән саубуллашмауларын билгеләп үттеләр, концертлар белән тагын киләчәкбез әле, диделәр.

Ольга ИВАНОВА.
«Самаит» ансамбле чыгыш ясый. Автор фотосы.