«Динем – ислам, милләтем – татар»
Район "Ак калфак" татар хатын-кызлары оешмасы шул исем астында 9 февральдә Тубылгы Тау мәдәният йортында вәгазь һәм шигырь бәйгесе оештырды.
Оештыручылар балаларны милли үзаң тәрбияләргә, аларны туган телне һәм ислам кыйммәтләрен өйрәнүгә өндәргә чакыра. Бәйге нәтиҗәләре буенча беренче урынны Акъяр авылыннан Рузилә Хәйруллина һәм Чертуш авылыннан Зарипов Рузил бүлештеләр, икенче урынны Акбүре авылы егете Җәләлетдинов Җәмил яулады, өченче урынга Зирекле авылыннан Хамәтвәлиев Таһир һәм Чаллы Башы авылыннан Ибраһимова Фирүзә чыктылар. Барлык катнашучыларга дипломнар һәм истәлекле бүләкләр тапшырылды.
Бу чараны оештыруда матди ярдәм күрсәткән Яңа Чишмә районы мөхтәсибәтенә һәм "Ак калфак" татар хатын-кызлары оешмасына олы рәхмәтебезне белдерәбез.
Айгөл ВАФИНА,Тубылгы Тау авыл мәдәният йорты директоры
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев