Дипломант булдылар
"Сөю" вокаль ансамбле "Татар моңы" халыкара телевизион яшь башкаручылар конкурсы дипломанты булды. Евгений СТАРОВ Бу конкурсны ТР Мәдәният министрлыгы ТР Президенты каршында мәдәниятне үстерүгә ярдәм Фонды, Бөтендөнья татар конгрессы башкарма комитеты, "Салават" эстрада театры, "Яңа гасыр" ТРК ААҖ белән берлектә үткәрә. Татар халык җырларын, татар композиторлары әсәрләрен пропагандалау, яшьләрне милли-мәдәни...
"Сөю" вокаль ансамбле "Татар моңы" халыкара телевизион яшь башкаручылар конкурсы дипломанты булды.
Евгений СТАРОВ
Бу конкурсны ТР Мәдәният министрлыгы ТР Президенты каршында мәдәниятне үстерүгә ярдәм Фонды, Бөтендөнья татар конгрессы башкарма комитеты, "Салават" эстрада театры, "Яңа гасыр" ТРК ААҖ белән берлектә үткәрә. Татар халык җырларын, татар композиторлары әсәрләрен пропагандалау, яшьләрне милли-мәдәни кыйммәтләргә җәлеп итү, талантлы яшьләрне ачыклау һәм ярдәм итү, аларның иҗади сәләтләрен тормышка ашыруда булышлык итү конкурсның максаты булып тора. Конкурста Татарстан Республикасыннан, РФ төбәкләреннән һәм БДБ илләреннән җыелган яшь башкаручылар катнашты.
Беренче турга электрон формада 1128 заявка алынган. Безнең артистлар татар халык җыры һәм заманча эстрада җыры кергән видеоязма җибәргәннәр. Икенче турга 200 катнашучы узган, 8 октябрьдә Г. Камал исемендәге театрда шуның 138-се чыгыш ясаган. Ләйсән һәм Илназ Шәйхетдиновлар, Гөлназ Насыйрова һәм Фаил Минабетдиновтан торган (рәсемдә сулдан уңга) безнең "Сөю" ансамбле бик матур костюмнардан чыгыш ясап, жюриның югары бәясенә ия булды. Алар конкурста дипломант һәм ТР мәдәният министры Айрат Сибагатуллин һәм ТР халык артисты Фердинанд Сәлахов имзалаган җиңүче дипломына ия булдылар. Концерт телевидениедән трансляцияләнде, безнең артистлардан интервью алдылар. Ансамбльне Ләйсән Шәйхетдинова җитәкли. Ул мәдәният бүлеге җитәкчеләренә ярдәм иткәннәре һәм костюмнар хәзерләүдә булышканнары өчен рәхмәт белдерүне үтенде. Бу ансамбль коллективын уңышлы чыгышлары һәм халыкара танылулары белән котлыйбыз, киләчәктә дә иҗади уңышлар һәм җиңүләр телибез.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев