Хезмәттәшлек итү турында сүз куешканнар
Бу атнада якташыбыз, хәзер Украинада Житомир шәһәрендә яшәүче, фәнни хезмәткәр Евгений Тимиряев редакциядә кунакта булды. Евгений СТАРОВ Якташыбызның гаиләсе турында без 2009 елның июнь аенда газетабызда язган идек инде. Бу юлысы Евгений Тимиряев үзенең кече ватанына Тверьдә яшәүче оныгы белән кайткан. Кыска гына ялга кайткан вакытта да ул Зирекледәге халык...
Бу атнада якташыбыз, хәзер Украинада Житомир шәһәрендә яшәүче, фәнни хезмәткәр Евгений Тимиряев редакциядә кунакта булды.
Евгений СТАРОВ
Якташыбызның гаиләсе турында без 2009 елның июнь аенда газетабызда язган идек инде. Бу юлысы Евгений Тимиряев үзенең кече ватанына Тверьдә яшәүче оныгы белән кайткан. Кыска гына ялга кайткан вакытта да ул Зирекледәге халык иҗаты һәм көнкүреше музеенда булып, музей директоры Мидхәт Газыймов белән очрашкан һәм хезмәттәшлек итү турында сөйләшкәннәр. Район башкарма комитеты җитәкчесе урынбасары Валентина Семеняк белән очрашу вакытында район китапханәсе һәм музеена Житомирда бастырып чыгарыла торган китапларны тапшыру турында сөйләшкәннәр. Редакциядә очрашкач, Евгений Романович бераз үзе турында да сөйләп үтте.
Үзенең хезмәт эшчәнлеген ул район мәктәпләрендә математика укытучысы булып башлап җибәргән, Байконурда армия хезмәте үткән, ә аннары Уралда, Германиядә һәм Украинада Совет Армиясе сафларында запастагы офицер булып хезмәт иткән. Подполковник званиесендә отставкага чыккан. Свердловскидагы хәрби-сәяси училищены алтын медальгә һәм хәрби академияне дә бик яхшы билгеләргә генә тәмамлаган. Яңа хәрби техниканы үзләштергәне өчен ул "Кызыл йолдыз" ордены белән бүләкләнгән. Хәзергесе вакытта Украинада (Житомирда) яши һәм " Реабилimoвaнi icmoрiю" китабы редколлегиясе каршындагы фәнни-редакцион төркем мөдире булып эшли. Июльдә китапның IV томы чыккан. Ул 5 китап авторы. Безнең соңгы очрашуыбызга 3 ел вакыт узса да, Е.Р. Тимиряев һич кенә дә үзгәрмәгән: элеккегечә дәрте һәм энергиясе ташып тора, көр күңелле, яраткан эше белән шөгыльләнүен әле дә дәвам итә.
Рәсемдә: Е. Тимиряев һәм М. Газыймов (сулдан уңга).
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев