Хәзерге заман меценатлары
Яңа Чишмә гимназиясендә булган саен мине рус һәм Европа рәссамнарының картиналарыннан торган бай коллекция гаҗәпләндерә. Аларның саны да елдан-ел арта бара. Бу картиналар Ульяновск өлкәсе Димитровград шәһәрендә яшәүче меценат Евгений Дунаевның туган мәктәбенә ясаган бүләге. Азат МУСИН Евгений Сергеевич Дунаев 1971 елны Яңа Чишмә гимназиясен тәмамлаган (ул вафат булган А.С....
Яңа Чишмә гимназиясендә булган саен мине рус һәм Европа рәссамнарының картиналарыннан торган бай коллекция гаҗәпләндерә. Аларның саны да елдан-ел арта бара. Бу картиналар Ульяновск өлкәсе Димитровград шәһәрендә яшәүче меценат Евгений Дунаевның туган мәктәбенә ясаган бүләге.
Азат МУСИН
Евгений Сергеевич Дунаев 1971 елны Яңа Чишмә гимназиясен тәмамлаган (ул вафат булган А.С. Губкинның классташы). Соңгы елларда ул туган авылына еш кайта һәм һәр юлы туган мәктәбенә бүләккә дистәләгән картина (алар инде 50дән артып киткән) бүләк итә. Менә бу юлы да Җиңү көне алдыннан хатыны Людмила Сергеевна (тумышы белән ул Чистайдан) белән бергәләп бүләккә ХХ гасыр башы рус рәссамнарының 28 картинасын алып кайтканнар.
Безнең белән сөйләшкәндә Евгений Дунаев үзенең электроника линиясе буенча эшләвен, дөньякүләм шедеврлар - картиналар җыю һәм, нумерлаганнан соң, киндер тукымага, кәгазьгә бастырып чыгару белән шөгыльләнүче Самарадагы "Радуга" нәшрият йорты белән ныклы элемтәдә булуын билгеләп үтте. Е.С. Дунаев багет мастерскоенда бик матур рамкалар ясый һәм картиналарны рамга куя һәм инде менә дүртенче тапкыр туган мәктәбенә бүләкләр белән кайта. Аның хатыны Людмила Сергеевна укучыларга һәм укытучыларга картиналарның эчтәлеге, аларда тасвирланган (сурәтләнгән) вакыйгалар турында сөйләде (бу юлысы репродукцияләрнең күбесе 1812 елдагы Ватан сугышына багышланган иде).
Район башлыгы урынбасары Наилә Закирова мәктәпкә шундый матур бүләк ясаулары өчен Дунаевларга рәхмәт белдерде, шундый чыгарылыш укучылары булуы - бу гимназиянең бәхете, диде, аларга киләчәктә дә уңышлар теләде һәм район җитәкчелеге исеменнән Дунаевларны район Сабан туена чакырды.
Рәсемдә: гимназия ди-ректоры Татьяна Сырова, ирле-хатынлы Евгений һәм Людмила Дунаевлар, район башлыгы урынба-сары Наилә Закирова (сулдан уңга)
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев