Яңа Чишмә хәбәрләре
  • Рус Тат
  • Исәнлектә күрешергә язсын

    Ак­бү­ре авыл ки­тап­ха­нә­сен­дә бер ге­нә бәй­рәм дә игъ­ти­бар­дан чит­тә кал­мый. Аның мө­ди­ре Мө­нә­вә­рә Габ­бас кы­зы Ну­ри­е­ва авыл хал­кы, мәк­тәп кол­лек­ти­вы, уку­чы­лар һ.б. бе­лән ты­гыз элем­тә­дә яши һәм эш­ли. Мо­ны ул уз­дыр­ган оч­ра­шу­лар ча­гыл­ды­рыл­ган стенд­лар, шкаф киш­тә­лә­рен­дә­ге аль­бом­нар һәм баш­ка­лар да рас­лап то­ра. Кая гы­на, нин­ди ге­нә ки­чә­гә ба­рыр­га ту­ры кил­мә­сен,...

    Ак­бү­ре авыл ки­тап­ха­нә­сен­дә бер ге­нә бәй­рәм дә игъ­ти­бар­дан чит­тә кал­мый. Аның мө­ди­ре Мө­нә­вә­рә Габ­бас кы­зы Ну­ри­е­ва авыл хал­кы, мәк­тәп кол­лек­ти­вы, уку­чы­лар һ.б. бе­лән ты­гыз элем­тә­дә яши һәм эш­ли. Мо­ны ул уз­дыр­ган оч­ра­шу­лар ча­гыл­ды­рыл­ган стенд­лар, шкаф киш­тә­лә­рен­дә­ге аль­бом­нар һәм баш­ка­лар да рас­лап то­ра.

    Кая гы­на, нин­ди ге­нә ки­чә­гә ба­рыр­га ту­ры кил­мә­сен, ан­нан һәр­ва­кыт, чын­нан да, бер кү­ре­шү - үзе бер го­мер икән ди­гән уй бе­лән кай­та­сың, бу сүз­ләр­не ча­ра­га җы­е­лу­чы­лар авы­зын­нан да еш ише­тер­гә ту­ры ки­лә. 8 март көн­не Мө­нә­вә­рә Габ­бас кы­зы үт­кәр­гән (Сөл­чә­баш авыл клу­бы җи­тәк­че­се Ил­һа­мия Фәс­хет­ди­но­ва бе­лән бер­лек­тә) чи­рат­та­гы оч­ра­шу да нәкъ ме­нә шу­лай атал­ган иде. Бәй­рәм баш­ла­ныр ал­дын­нан ча­кы­рыл­ган ку­нак­лар ара­сын­нан кем­дер ин­де күп­тән күр­мә­гән авыл­да­шын, кем­дер сый­ныф­та­шын, кем­дер укы­ту­чы­сын кү­реп, ко­чак­лаш­ты­лар, бәй­рәм бе­лән кот­лаш­ты­лар. Чәй та-бынына күчтәнәчләрен дә алып килгәннәр.

    Ки­чә­гә ча­кы­рыл­ган гү­зәл зат­ла­ры­быз: әни­ләр, әби­ләр, апа­лар, се­ңел­ләр - ба­ры­сы да чәй та­бы­ны янын­да урын ал­ган­нан соң, озак ел­лар авыл мә­дә­ни­ят йор­ты ди­рек­то­ры бу­лып эш­лә­гән сүз­гә тап­кыр, ке­ше кү­ңе­лен кү­рә, аның йө­рә­ге­нә ач­кыч та­ба бе­лү­че Рә­шит Әх­мәт улы Рә­хи­мов ку­нак­лар­ны сә­лам­ләп җы­лы кот­лау­ла­рын җит­кер­де. Бәй­рәм ча­ра­сын алып ба­ру­чы бу­ла­рак, ул җы­е­лу­чы­лар­ның һәр­бер­се­нә сүз бир­де. Ба­ры­быз да хә­тер-ха­ти­рә­ләр­не яңар­тып, яшь­лек ел­ла­рын ис­кә ал­дык, бер га­и­лә ба­ла­ла­ры күп, рә­хәт­лә­неп сөй­ләш­тек, кө­леш­тек, моң­сыз­лар­ны да моң­лан­ды­ра, дәрт­лән­де­рә бе­лү­че атак­лы гар­мун­чы­быз Га­лим­җан Юсу­пов­ка ку­шы­лып җыр­ла­шып та ал­дык. Авыл җир­ле­ге баш­лы­гы Җәү­дәт Җә­лә­лет­ди­нов сүз алып, кот­лау­ла­рын иреш­тер­гәч, ку­нак­лар хөр­мә­те­нә җыр­лап та бир­де, ә тор­мыш ип­тә­ше Гөл­зи­дә Мин­ша­кир кы­зы исә әле­ге кот­лау­лар­га ма­тур биюе бе­лән ку­шыл­ды. Ру­зи­лә За­ла­ко­ва, Ай­гөл Кы­я­мо­ва, Ал­су Ну­ри­е­ва, Ил­һа­мия Фәс­хет­ди­но­ва­лар да моң­лы җыр­лар баш­ка­рып, кү­ңел­лә­ре­без­не күр­де­ләр. Ку­нак­лар ара­сын­нан яшьтән җыр-моң­га га­шыйк Кад­рия На­сый­ро­ва, Мәү­лия Вә­лиул­ли­на, Мин­сы­лу Шәй­дул­ли­на­лар да бик ма­тур җыр­ла­рын бү­ләк ит­те­ләр.

    Ул көн­не уен-көл­ке, җыр-би­ю­ләр бе­лән үре­леп бар­ган ки­чә­дә ва­кыт­ның уз­га­нын да сиз­ми кал­дык. Дөнья мә­шә­кать­лә­рен бе­раз­га гы­на бул­са да оны­тып то­рып, оны­ты­лып, рә­хәт­лә­неп ял ит­тек. Шун­дый кү­ңел­ле, озак ва­кыт­лар ис­тә ка­лыр­лык әле­ге оч­ра­шу­ны оеш­ты­ру­да, уз­ды­ру­да үз­лә­рен­нән өлеш кер­тү­че­ләр­нең һәм­мә­се­нә дә рәх­мәт­тән баш­ка сүз юк. Алар­га га­и­лә­лә­ре­гез­дә бә­хет ка­сә­лә­ре та­шып тор­сын, һәр­ва­кыт уңыш­лар гы­на юл­даш бул­сын, ди­я­се ки­лә. Ал­да да шу­лай исән­лек­тә кү­ре­шеп яшәр­гә яз­сын. Ки­чә аза­гын­да Мө­нә­вә­рә Габ­бас кы­зы кил­гән ку­нак­лар­ның ба­ры­сы­на да ис­тә­лек итеп, кеч­ке­нә ге­нә бул­са да, бәй­рәм бү­ләк­лә­ре тап­шы­рыр­га да оныт­ма­ды.

    Фә­ния НУР­ХА­МӘ­ТО­ВА,

    Ак­бү­ре авы­лы

    Нравится
    Поделиться:
    Реклама
    Комментарии (0)
    Осталось символов: