«Казан Экспо» күргәзмә үзәгендә мәдәният һәм иҗат хезмәткәрләрен бүләкләү тантанасы булган

Мәдәниятне үстерүгә керткән өлешләре өчен бүләкләнүчеләр: 

— Яңа Чишмә БСМ укытучысы Г. М. Рамазанова ТР Дәүләт Советы Рәисенең Рәхмәт хаты һәм истәлекле медаль белән бүләкләнгән;

— Мәдәният бүлеге начальнигы Г. А. Носова һәм ҮКСнең методик бүлек мөдире Н. М. Зыкова ТР Мәдәният министрлыгының Мактау грамотасы белән билгеләнгәннәр;

— Балалар сәнгать мәктәбе директоры И. М. Слимовага ТР мәдәният министрының Рәхмәте тапшырылган. 

— Ленино АМЙның «Родничок» балалар коллективы XI Республика балалар фольклор коллективлары фестивале лауреаты дипломы белән бүләкләнгән;

— БСМ укытучысы Г. М. Рамазанова һәм Зирекле авылыннан чигү остасы Г. Н. Әхмәтшиналарга «ТРның чигелгән картасы» республика акциясендә актив катнашканнары өчен ТР Мәдәният министрлыгының Рәхмәт хатлары тапшырылган.

Архангел АМЙ ( Таротина Н. А.), Ленино авыл китапханәсенә (Веретенникова Н. В.), халык иҗаты һәм көнкүреше музеена ( Лотфуллина Л. З.) «Авыл җирлекләре территориясендә урнашкан иң яхшы учреждениеләр» грант конкурсында җиңү яулаганнары өчен 100 мең сум күләмендә акчалата сертификатлар тапшырылган.

Чертуш АМЙ мөдире Р. Р. Мусина «Иҗат коллективларының иң яхшы проекты» грант конкурсында җиңүе өчен 200 мең сумлык сертификатка ия булган.