Мин җырлыйм икән, димәк яратам
15 февральдә Яңа Чишмә МЙ да музыкант, автор һәм башкаручы Юрий Киселевның иҗат кичәсе булып үтте. Районда әлеге популяр артистка 50 яшь тулуга багышланган бу кичәдә Мәдәният йорты тамашачылар белән шыгрым тулы, алма төшәрлек тә урын юк иде. Лариса ФЕДОРОВА Сәхнәдә Юраның дуслары - "Сувенир" ВИА-да катнашучылар юбилярны ялгыз итмәделәр,...
15 февральдә Яңа Чишмә МЙ да музыкант, автор һәм башкаручы Юрий Киселевның иҗат кичәсе булып үтте. Районда әлеге популяр артистка 50 яшь тулуга багышланган бу кичәдә Мәдәният йорты тамашачылар белән шыгрым тулы, алма төшәрлек тә урын юк иде.
Лариса ФЕДОРОВА
Сәхнәдә Юраның дуслары - "Сувенир" ВИА-да катнашучылар юбилярны ялгыз итмәделәр, һәрчак аның янәшәсендә булдылар, концерт та нәкъ менә алар башкаруындагы җырлар белән башланып китте. Кичәне алып баручы - конферансье, тиңдәше булмаган Гүзәл Сабирҗанова залдагыларны кичәнең кунагы, район башлыгы урынбасары Наилә Закирова белән таныштырды. Наилә Мирасовна Юрий Киселевны (өстәге рәсемдә) юбилее белән котлады, аның иҗади уңышлары һәм һөнәри өлкәдәге хезмәтләре турында сөйләде, аңа мәдәният өлкәсендә ирешкән уңышлары өчен ТР Мәдәният министрлыгыннан бүләк - күкрәккә тага торган билге, район башлыгы исеменнән Мактау грамотасы, шулай ук Яңа Иванаево АМЙ-на музыкаль аппаратура сатып алу өчен 95 мең сумлык сертификат һәм шәхсән юбилярның үзенә икенче сертификат тапшырды. Әлеге бүләкләр тамашачыларның көчле алкышлары белән хупланды.
Юрий Киселев кичәсенә районның башка авыл мәдәният йортларыннан да хезмәттәшләре килгән иде: Ленино, Архангел, Чуаш Чабаксары, Черемухово, Яңа Чишмә, Яңа Иванаево Мәдәният йортлары вәкилләре, шулай ук "Селяночка" ансамбле коллективы (үзләренең аккомпаниаторына зур картина бүләк иттеләр) музыкаль котлаулар һәм иң изге теләкләрен җиткерделәр. Александр Скоков үзенең күптәнге дустын җыр белән сәламләде һәм тамашачыларга "Мине өйдә көтәләр" дип исемләнгән бик матур җырын бүләк итте.
Кичәгә Чечняда һәм Әфганстандагы сугышчан хәрәкәтләрдә катнашучылар-ветераннар чакырулы иде, тамашачылар аларны көчле алкышларга күмделәр, ә Сергей Хорьков Юрий Никонов һәм Юрий Киселев белән бергәләп тамаша залындагылар өчен "Дустыңа шалтырат" дигән җыр башкардылар.
Юрий Киселев башкаруында нигездә кече ватаны, туган авылы, гүзәл хатын-кызларыбызга һәм яраткан бердәнбере - тормыш иптәшенә багышлап язылган үз иҗат җимешләре яңгырады. Чараны алып баручы сәхнә түренә юбилярның тормыш иптәшен - сөйкемле һәм тыйнак кына булган Татьяна Киселеваны чакырды, аңа багышлап язылган бик матур җыр да яңгырады. Тормыш иптәшенә чәчәк бәйләме бүләк итүе Юраның аңа карата чираттагы, инде халык алдында мәхәббәтен белдерүе булып күренде. Чыгыш ясаучылар ягыннан бернинди кыланчыклык булмаган, бар җырлары да чын йөрәктән башкарылган, әледән-әле тамашачыларның көчле алкышларына күмелгән иҗат кичәсе бер тында узды да китте, залдагыларның барысы да бик канәгать калды.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев