«Өмет» театр коллективы «Заман кыңгыравы» конкурсында III урынны яулаган

«Өмет» балалар театр коллективы Түбән Камадагы Туфан Миңнуллин исемендәге Татар дәүләт драма театрының 35 еллыгына багышланган балалар һәм яшүсмерләр театр коллективлары арасында «Заман кыңгыравы» («Колокол времени») I Республика театр конкурсында катнашкан. 

Конкурста республиканың төрле районнарыннан һәм шәһәрләреннән 38 коллектив катнашкан. Жюри  иң яхшы 10 коллективны сайлап алган. Алар арасында Чаллы Башы АМЙ коллективы III урынны яулаган. Бүләкләү Түбән Кама шәһәрендә «Россиянең нефть-газ химиясе шәһәрләре театры атналыгы» ачылу тантанасында узган.