“Питрау-2012”
14 июльдә Мамадыш районының Җөри авылында керәшен мәдәниятенең республика фестивале узды. Фестиваль катнашучыларны көнкүрешне һәм иҗатны оештыруда керәшен традицияләре белән таныштыра. Ел саен Татарстан җитәкчеләре дә шушы фестивальдә катнашырга тырышалар. Ленино АМЙ-нан "Сурэкэ" халык фольклор коллективын да шундый фестивальгә беренче чакырулары гына түгел. Фестивальдә катнашучылар анда алган тәэсирләр белән уртаклашалар....
14 июльдә Мамадыш районының Җөри авылында керәшен мәдәниятенең республика фестивале узды.
Фестиваль катнашучыларны көнкүрешне һәм иҗатны оештыруда керәшен традицияләре белән таныштыра. Ел саен Татарстан җитәкчеләре дә шушы фестивальдә катнашырга тырышалар. Ленино АМЙ-нан "Сурэкэ" халык фольклор коллективын да шундый фестивальгә беренче чакырулары гына түгел. Фестивальдә катнашучылар анда алган тәэсирләр белән уртаклашалар. Чиләбе өлкәсенең Нагайбак районыннан килгән кунаклар "Керәшен йортын" күрсәттеләр, алар ызбаны кисеп, борынгы стильдә керәшеннәрнең торакларын тәкъдим иттеләр. Фестиваль программасында халык уеннары, "өчпочмак" дип аталган спорт ярышлары, тройкаларда узышу булды. Кызлар өчен "Керәшен чибәре" бәйгесе үткәрелде, мәйданчыклар оештырылды. "Балалар" мәйданчыгында концерт программасы үтте, әкият куелды, мультфильм күрсәтелде, керәшен халкының спорт уеннарын да күрү мөмкинлеге булды. "Фольклор" мәйданчыгында Татарстан Республикасы һәм Чиләбе өлкәсенең фольклор коллективлары концерты оештырылды.
"Концерт" мәйданчыгында "Бермәнчек" дәүләт ансамбле, "Сәйдәш" бию театры, Венера Ганиева, Георгий Ибушев, Лена Бичарина, Вадим Захаров, Ильмира Нәгыймова, Илназ Бах, Габделфәт Сафин, Резедә Шәрәфиева, Раяз Фасыйхов, Эльмира Сөләйманова, Ринат Рәхмәтуллин, Виталий Агапов чыгыш ясадылар. "Яшьләр" мәйданчыгында яшь башкаручылар, "Эссе" төркеме һәм Мөнир Рахмаев катнашында күңелле дискотека барды.
Фестиваль учак ягу һәм бәйрәм фейерверкы белән төгәлләнде.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев