Район мәдәният йортында «ТАТАР СҮЗЕ» конкурсы узган

Конкурсның максаты — татар телен һәм әдәбиятын популярлаштыру, татар телендәге нәфис сүзгә кызыксыну уяту, татар телен һәм мәдәниятен үстерү, татар классик әдәбиятын татар халкының тарихи — мәдәни байлыгы буларак саклап калу.

Конкурс барышында Г. Тукай, Р. Миңнуллин, М. Җәлил, Ф. Яруллин, Ф. Сафин, Р. Вәлиев һәм башкаларның шигырьләре яңгыраган.

26 конкурсант өч номинациядә һәм өч яшь категориясендә көч сынашкан. Конкурсның барлык номинантларына да төрле дәрәҗәдәге Дипломнар һәм Рәхмәт хатлары тапшырылган.

Альбина Саматова, Рамилә Халикова һәм «Шешминка» хореография коллективы да чарада катнашучыларны үзләренең концерт номерлары белән сөендергән.