Сәнгать мәктәбе талантларны ача

Нәтиҗәләр

Мәктәп тарафыннан барлыгы 11 өстәмә белем бирү программасы гамәлгә ашырыла, шуларның 5се - һөнәри әзерлек бирү (уку вакыты 8 ел), 6сы – гомуми белем бирү программалары (уку вакыты - 5 ел, 7 ел һәм 1 ел).

Узган уку елында БСМгә беренче сыйныфка 43 бала кергән, шуларның 15е - хореография бүлегенә, 19ы - рәсем сәнгате, ә 9ы - музыка бүлекләренә. Мәктәптә барлыгы 196 укучы белем алган: музыка бүлегендә (фортепиано, баян, гитара, хор белән җырлау, соло җырлау) - 50, рәсем ясау бүлегендә - 60, хореографиядә - 86 бала, шул исәптән 25се - районның башка авылларыннан килеп укучылар, 4се мөмкинлекләре чикле балалар, 22се - күп балалы гаиләләрдә тәрбияләнүчеләр, 3се - тәрбиягә алынган балалар. Быел мәктәпне 17 укучы тәмамлаган. Гомуми өлгереш - 97,4 %, мәктәпкә йөрү буенча күрсәткеч - 90,2%ны тәшкил иткән. 

Моннан тыш, 1 сентябрьдән мәктәп базасында рәсем сәнгате (ИЗО) программасы буенча 4-5 яшьлек балалар өчен эстетик үсеш алу буенча түләүле төркем ачылган. Уку вакыты - 1 ел. Монда белем алыр өчен бер гариза бирелгән. Гыйнвар аеннан хореография һәм гитарада уйнау буенча да түләүле төркемнәр эшли башлаган, гитара төркеменә 1 укучы килгән. Өстәмә түләүле белем бирү хезмәтләре халыкның ихтыяҗларын канәгатьләндерү өчен гамәлгә ашырыла.

Укытучылар үрнәк күрсәтә

Балаларга 13 педагог белем бирә, шуларның 11е югары квалификация категориясенә ия. Алар ел саен квалификация күтәрү курсларын үтәләр (узган уку елында җиде педагог), грант конкурсында катнашалар. Һәр балага индивидуаль якын килү, уңайлы иҗади атмосфера тудыру, ата-аналар белән тыгыз бәйләнештә булу - боларның барысы да алар эшендә кулланыла. Узган уку елында укытучылар тарафыннан 10 ачык дәрес үткәрелгән, 12 методик эш тәкъдим ителгән.

Укытучылар 5 педагогик осталык конкурсында катнашкан, шуларның икесе – халыкара конкурслар, калганнары - бөтенроссия, төбәк, республика конкурслары (3 педагог III дәрәҗә лауреат дипломы алган, икесе I һәм III дәрәҗә дипломант булганнар). 

  Казанда Милли мәдәниятләр һәм традицияләр елын ябу тантанасында БСМ укытучысы Г.М. Рамазанова истәлекле медаль һәм ТР Дәүләт Советы Рәисенең Рәхмәт хаты, шулай ук ТР Мәдәният министрлыгының Рәхмәт хаты белән бүләкләнгән, ә БСМ директоры И. М. Слимовага мәдәниятне үстерүгә керткән зур өлеше өчен Рәхмәт хаты тапшырылган. «Татарстан Республикасының иң яхшы товарлары һәм хезмәтләре» конкурсында «Халык һәм сәнгать кәсепләре эшләнмәләре» номинациясендә катнашканы өчен Г. М. Рамазанова 1 нче дәрәҗә диплом белән бүләкләнгән.  

Укучыларның җиңүләре

БСМ укучылары төрле дәрәҗәдәге конкурсларда 66 бүләккә лаек булганнар, шуларның 6сы - Халыкара, 8зе - Бөтенроссия, 13е - төбәк, 33е - республика (2 Гран-при), 6сы - район конкурслары.

Барлыгы 162 укучы катнашкан, 28 балага җиңүче Дипломнары тапшырылган. 

 2023 елның июнендә «Родничок» вокаль  һәм «Шешминка» хореография ансамбльләре «Үрнәк» исеменә ия булганнар.

 2024 елның гыйнварында «Шешминка» ансамбленең «Звонкие капельки» урта төркеме «Созвездие – Йолдызлык» фестиваленнән Түбән Кама шәһәренең «Красная поляна» лагерында ял иткән.
БСМдә ел саен  мәктәп конкурслары оештырыла: «Яшь виртуоз», «Мин җырлыйм», «Adagio» классик бию конкурсы, «Кышкы бизәкләр», «Кышкы әкият» рәсемнәр һәм кул эшләнмәләре конкурсы. Барлыгы 40 мәктәп чарасы, Пушкин картасы буенча - 135 350 сумлык 29 чара уткәрелгән.

ДШИ китапханәсе

 БСМдә китапханә эшләп килә, аның китап фондында укытучылар һәм укучыларның уңышлы уку процессын тәэмин итәр өчен рәсем ясау һәм музыка сәнгате буенча 1145 данә китап һәм ноталар бар.
Ел дәвамында китапханәдә 33 чара уздырылган. Бу әңгәмәләр, танып-белү, куркынычсызлык дәресләре, Хәтер, тарих, «Ленинград ничек яшәгән һәм көрәшкән» дип аталган батырлык сәгатьләре, «Талант на все времена» дигән сәнгать сәгатьләре (композитор Мусоргскийга 185 яшь тулу уңаеннан үткәрелгән), «Татарстан музейларында рус коллекцияләре» дип исемләнгән сәнгать буенча яңа китаплар тәкъдир итү чарасы, «Славян язуы көне» танып белү сәгате, «Музыкаль кунакханә» һ.б. Төрле темаларга 18 китап һәм иллюстратив күргәзмәләр оештырылган.