Шахмай музеенда һәлак булган сугышчыларны искә алганнар

Беренче Бөтендөнья сугышы 38 дәүләт катнашкан дөньякүләм масштабтагы беренче хәрби конфликт. Ике атнада ул Европа һәм аннан соң дөньякүләм сугышка әверелгән. Фронтта һәлак булганннарны исәпкә алып, Россиянең Беренче бөтендөнья сугышында югалтулары — ике миллионнан артык, әсирлеккә төшүчеләр — өч миллионнан артык, гражданнар арасында югалтулар — бер миллионнан артык кеше тәшкил итә.

31 июльдә Шахмай авылы музеенда «Беренче бөтендөнья сугышында һәлак булган геройларны искә алу көне» дип аталган мәгълүмати сәгать узган. Филиал мөдире Гөлүсә Баһаутдинова мәктәп укучыларына әлеге сугыш, аның нәтиҗәләре, үз Ватаны өчен көрәшкән геройлар турында сөйләгән. Беренче бөтендөнья сугышы кырларында һәлак булганнарны бер минутлык тынлык белән искә алганнар.