Шахмай музеенда «Җирле үзидарә көне» дип аталган чара узган

«Бу көн хөрмәтенә Шахмай авыл җирлеге башлыгы, шулай ук күп еллар бухгалтер һәм сәркатип булып эшләгән АҖ хезмәткәрләре һәм ветераннар чакырылган иде, - дип уртаклаша музей директоры Гөлүсә Баһаветдинова.

«Чара кичәне алып баручыларның котлавыннан башланды, аннары сүз Шахмай АҖ башлыгы И.Г. Гаризовка бирелде, ул үзенең коллективына туган җирнең үсешенә һәм иминлегенә зур өлеш керткән ветераннарга, намуслы хезмәтләре өчен рәхмәт белдерде.

Чараның чираттагы өлешендә алып баручылар ике командага бүленергә һәм «Җирле үзидарә көне» дигән квест-уен уйнарга тәкъдим иттеләр, алар биш станциягә «барырга» тиеш иделәр.

Беренче «Тарихи» станция өч биремнән торды: «үзидарә» сүзенә керүче хәрефләрдән файдаланып, сүзләр төзергә; танылган кешеләрнең исемнәре аталган урамнарны санарга; Шахмай авыл җирлегендә эшләгән башлыкларның исемнәрен әйтергә.

Икенче «Халык» станциясе мәкальләрне үз эченә ала, анда мәкальләрнең ахырын әйтеп бетерү кирәк иде.

 Өченче «Муниципаль» станциясендә аббревиатураларны расшифровкалау.

Дүртенче «Герб» станциясе район герблары төшерелгән картиналарны белү.

 «Җитәкче» дип аталган соңгы станциядә катнашучылар танылган кешеләрнең портретлары төшерелгән битләр алдылар һәм алар картиналарда кемнең сурәтләнүен белергә, аларның идарә итү елларын күрсәтергә тиеш иделәр. Ике команда да биремнәрне игътибар белән һәм бердәм үтәделәр, уртак көч белән җавап таба алдылар.

Чара ахырында алып баручылар йомгак ясадылар һәм катнашканнары өчен кунакларга рәхмәт белдерделәр.

Әлеге чарадан кунаклар канәгать калды».