Яңа Чишмә хәбәрләре
  • Рус Тат
  • Шаяннар һәм тапкырлар

    "Әйдә, шаяРТ!" КВН татар лигасының сайлап алу туры җиңүчеләре ачыкланды.

    19 февральдә Чаллы Башы мәдәният йортында «Әйдә, шаяРТ!» КВН татар лигасының сайлап алу туры кысаларында уен узды. Анда Чаллы Башы мәктәбе укучылары һәм мәдәният хезмәткәрләре командалары катнашты.
     Чараны Казаннан килгән «Әйдә ШаяРТ» лигасы мөхәррире Наил Сәлахов алып барды. Бу көнне мәдәният йортына килгән тамашачылар бер сәгать дәвамында районның иң шаян һәм тапкыр командаларның уенын карадылар. Ул ике этапта узды: визит карточкасы һәм импровизацияләнгән конкурс. Тамашачылар көн кадагындагы безнең районга кагылышлы мәсьәләләр чагылыш тапкан мәзәкләрдән рәхәтләнеп көлделәр һәм көчле алкышларга күмделәр.
    Компетентлы жюрига җиңүчеләрне билгеләү җиңел булмады. Чөнки алар барысы да менә дигән, «Яшь мишәрләр» һәм «Нечкәбилләр» командалары сәхнәдә бик шәп уен күрсәттеләр. Нәтиҗәдә, мәдәният хезмәткәрләре - «Нечкәбилләр» җиңүче булды. Ул апрель башында Казанда узачак республика фестивалендә Яңа Чишмә муниципаль район данын яклаячак. Бу уен телевидениедә күрсәтеләчәк.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: