Спорт бәйрәме оештырдылар
Яшьләр бүлеге (анда "Олимп" спорт комплексы, БЯСМ, "Аҗаган" яшүсмерләр клубы һәм "Җемчужина" бассейны керә) спорт бәйрәме оештырды. Ә тамаша фильм күрсәтүдән башланды: башкарма комитет җитәкчесе урынбасары Валентина Семенякның һәм яшьләр эшләре, спорт һәм туризм буенча бүлек начальнигы Ольга Лаврентьеваның телефоннан сөйләшүләре "астыртын (яшеренеп) тыңлап торыла" һәм "яздырып алына", ә аннан...
Яшьләр бүлеге (анда "Олимп" спорт комплексы, БЯСМ, "Аҗаган" яшүсмерләр клубы һәм "Җемчужина" бассейны керә) спорт бәйрәме оештырды.
Ә тамаша фильм күрсәтүдән башланды: башкарма комитет җитәкчесе урынбасары Валентина Семенякның һәм яшьләр эшләре, спорт һәм туризм буенча бүлек начальнигы Ольга Лаврентьеваның телефоннан сөйләшүләре "астыртын (яшеренеп) тыңлап торыла" һәм "яздырып алына", ә аннан соң Интернетка урнаштырыла. "Все хорошо прекрасная маркиза" музыкасы астында алар безнең район территориясендә Универсиада утын каршылау чарасы үткәрү турында килешәләр. Клиптан күренгәнчә, моңа хәзерлек тә башланды. Әлеге бәйрәмгә яшьләр коллективларының бөтен көче куелган һәм, әйтергә кирәк, аларның көче үлчәмгә салынмаган.
Универсиадада катнашу өчен кастинг бик кискен булды: "иң уңышсыз" претендентларны "Җитди сайлап алу" дип аталган сәхнәләштерелгән күренештә күргән тамашачы көлкегә калдырды. Менә "теннисчы хатын-кыз" пәйда булды, ә ул Мария Шарапова кебек "уфтана" белмәде. "Боксчыны" да отставкага озаттылар. "Куяннар" командасы белән "Мазай бабайны" ишкәк ишү буенча ярышларга кертмәделәр. "Гимнастчылар"ның билләре җилкәләреннән киңрәк булып чыкты, җәйге ярышларда исә "чаңгычы хатын-кыз" турында сөйләп тә торасы юк. "Синхрон биюдәге кызлар" да жюри әгъзаларына ошамады. Әмма әлеге чыгышлар тамашачыларга бик ошады һәм барысы да рәхәтләнеп көлделәр. Менә сәхнәдә яшь спортчыларның яңа буыны пәйда булды һәм бик ритмлы, күңелле итеп чыгыш ясадылар. Әлеге команданың капитаны Ольга Быкова иде. Сергей Сафонов, Сергей Финогентов һәм Денис Закиров "Мы верим твердо в героев спорта" җыры белән чыгыш ясадылар.
Программада көлкеле такмаклар, күңелле җырлар, шигырьләр, биюләр дә бар иде, "аҗаганлылар" һәм "БЯСМ-дә шөгыльләнүчеләр"нең спорт өлкәсендә ирешкән уңышлары да күрсәтелде. Яшьлек үзенекен итә шул - Камилә һәм Сәрия Габетдиноваларның чыгышы кульминацион момент булды диярлек.
Лариса ФЕДОРОВА
Автор фотосы
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев