Тамашачыларны сөендерделәр
Акбүре авылыннан үзешчән сәнгать коллективы авыл җирлекләре арасында соңгысы булып үзләренең яңа Мәдәният йортында чыгыш ясады. Концерт бик күңелле һәм эчтәлекле булды. Мәдәният йорты фойесында тамашачылар концертка чаклы укучыларның Казан шәһәрендә узачак Универсиадага багышлап ясаган рәсемнәреннән оештырылган стенд карый алдылар. Жюри әгъзалары өчен иҗат отчетының альбом - презентациясен хәзерләгәннәр. Авыл...
Акбүре авылыннан үзешчән сәнгать коллективы авыл җирлекләре арасында соңгысы булып үзләренең яңа Мәдәният йортында чыгыш ясады. Концерт бик күңелле һәм эчтәлекле булды.
Мәдәният йорты фойесында тамашачылар концертка чаклы укучыларның Казан шәһәрендә узачак Универсиадага багышлап ясаган рәсемнәреннән оештырылган стенд карый алдылар. Жюри әгъзалары өчен иҗат отчетының альбом - презентациясен хәзерләгәннәр.
Авыл җирлеге башлыгы Җәүдәт Җәләлетдинов авылдашларын бәйрәм (концерт авыл кешесе өчен гел бәйрәм) белән котлады, коллективка уңышлы чыгыш ясауларын теләде һәм туган авылы турында үзе язган шигырьне сәнгатьле итеп сөйләде.
Чараны алып баручылар - АМЙ директоры Гомәр Насыйров белән сәнгать җитәкчесе Галия Миншина әйбәт хәзерләнгән сценарий буенча слайдлар ярдәмендә быел 30 еллыгын билгеләп үтүче район, хезмәт сөйгән авылдашлары турында сөйләделәр.
Тамашачыларга һәм жюри әгъзаларына үзешчән сәнгатьтә катнашучылар чыгышы бик ошады. Сәхнә ветераннары Мөнәвәрә һәм Рифкат Нуриевлар, Кадрия Насыйрова, бертуган Алсу һәм Ландыш Шәйдуллиналар дуэты, Сөлчәбаш клубы директоры Илһамия Фәтхетдинова чыгышлары белән матур булды. Җырчылар атаклы баянчы Галимҗан Юсупов һәм Гомәр Насыйров уйнаган көйгә кушылып җырладылар. Үзбәк биюен башкарган Гөлинә Насыйрова әйбәт пластика күрсәтте.
"Сабантуйга әзерләнәбез" дип аталган театральләштерелгән фольклор композициясе бик шәп чыкты, анда милли бәйрәмебезнең күп кенә йолалары күрсәтелде.
Ә менә "Дуслык" фольклор ансамбеле милли (урыс, чуаш, татар, керәшен) киемнәрдән дуслык-бердәмлек турында рус, чуаш һәм татар телләрендә (чуаш телен дә өйрәнеп) җыр башкарды, бу бик шәп килеп чыкты (жюри вакытны суздылар, дисә дә).
Азактан, күркәм традиция буенча, хор туган авылыбыз Акбүре турында җыр башкарды.
Жюри коллективның чыгышын уңай бәяләде, кайбер чыгышлар район үзәгендә үтәчәк гала-концертка сайлап алыначак.
Азат Мусин
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев