Реклама
Мәдәният һәм сәнгать
Төп чыршыны ачу
Кичә РМЙ каршындагы мәйданда районның төп чыршысын ачу тантанасы булды.
Кичен районның төсле утлар белән җемелдәгән төп чыршысы бигрәк тә матур. Тирәсендә кардан әвәләп, боздан ясалган күп санлы әкият һәм мультфильм геройлары, янәшәдә Кыш бабай һәм Кар кызы, ә төрледән-төрле гирляндалар бәйрәм рухы, бәйрәм атмосферасы тудыра.
Чыршы ачу тантанасы "Зажигай" төркеме башкаруында "Снег заметает" җыры белән башланып китте. Аннан соң чыршы янына "Иске" ел чыкты һәм идарә итү хокукын "Яңа" елга тапшырды, анысы исә тамашачыларга вак конфеттилар һәм борчак бөртекләре таратты. Кыш, ә аннары Кыш бабай белән Кар кызы җыелучыларны якынлашып килүче яңа ел белән котладылар. Чыршы ачу тантанасында шулай ук «Рябинушка», "Архангельская краса" коллективлары, БСМдә шөгыльләнүче балалар да катнашты.
Төп чыршыны ачу хокукы муниципаль район башлыгы Вячеслав Козловка бирелде, ул яңачишмәлеләрне Яңа ел белән котлады, һәммәсенә ныклы сәламәтлек, бәхет-шатлык, уңышлар теләде. Шулай ук Яңа елга әзерлек - бизәү буенча смотр-конкурска йомгак та ясалды (бу хакта тәфсилләбрәк язылган язма 2 биттә), бәйрәм фейерверкы чыршы ачу тантанасын тагы да бизи төште.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев