ВМФ хөрмәтенә концерт

Аны карарга ял көнендә кичке мәдәни ял өчен вакыт тапкан иң актив яңачишмәлеләр җыелды. Тельняшка һәм бескозыркалар кигән тамашачы - диңгезчеләрне шунда ук белергә була иде. Аларның иң өлкәне 1945 елда туган, Төньяк флотта хезмәт иткән Михаил Шахов кызы һәм туганнары белән Петропавел Бистәсеннән килгән. Кара диңгез флотыннан Яңа Чишмәдән ике яшь егет бар иде. Аларның гаиләләрендә булачак диңгезчеләр үсеп килә инде: аларның берсе концертка әтисенең бескозыркасында килгән.
Район мәдәният йорты, Петропавел һәм Яңа Иванаево авыл мәдәният йорты артистларының костюмнары, сәхнә бизәлешендә дә диңгез мотивлары бар: ак Һәм зәңгәр флажоклар, буй-буй тельняшка һ.б. Тамашачылар өчен Сергей Хорьков, Илназ Шәйхетдинов, Светлана Соловьева, Ләйсән Шәйхетдинова, Гөлнур Адиева, «Зажигай»ансамбле чыгыш ясадылар. Җырлар бәйрәм тематикасы буенча яңгырады: «Волна за волною», «Море, море», «Господа офицеры» һ.б, әлбәттә, Хәрби-Диңгез Флоты көне белән котлаулар, шулай ук рус һәм татар телләрендә популяр эстрада җырлары да булды. Килгән кунаклар чыгыш ясаучыларны җылы кабул иттеләр: алкышладылар, фотога төштеләр, видеога төшерделәр. Элеккеге диңгезчеләр үзара аралаштылар, ә көндез Андреев флагы белән алар район үзәге урамнары буйлап уздылар, күрше авылларда булдылар, “үзләренекен”  Хәрби-Диңгез Флоты көне белән котладылар.
Ольга ИВАНОВА.  
Башка фотоларны безнең novoshishminsk.ru  сайтында карагыз.