Яңа Чишмә гимназиясе укучысы Раил Харисов «Татар егете - 2022» төбәкара конкурсы финалисты булган

29 мартта Яр Чаллы шәһәренең «Шатлык» яшьләр үзәгендә «Татар егете - 2022» төбәкара яшьләр конкурсы узган. Проект финалына Чаллы, Әлмәт, Менделеевск, Бөгелмә, Азнакай, Сарман, Балтач, Арча, Яңа Чишмә районнарыннан татар телен белгән 16-25 яшьлек 11 катнашучы чыккан.

Алар берничә конкурста көч сынашканнар:

-«Батыр егет - ул ил күрке» - ирекле формада иҗади презентация;

- «Тарих байлыгы» - татар халкының гореф-гадәтләрен, бәйрәмнәрен белүгә интеллектуаль бәйге;

- Җитезлеккә, тизлеккә һәм зирәклеккә «Эх, дәрт бар иде!» дип аталган конкурс;

- «Мин үз Ватаным өчен нәрсә эшли алам?» дигән темага зур булмаган чыгыш;

- «Яшьләр көрәше» - кул көрәштерү буенча ярышлар.

Безнең район вәкиле, Яңа Чишмә гимназиясенең 11 сыйныф укучысы Раил Харисов биремнәрне бик яхшы үтәгән һәм «Тапкыр егет» номинациясендә җиңүче булган. Раилне уңышлары белән котлыйбыз!