Яңа Чишмә районы мәдәният хезмәткәрләре үзләренең һөнәри бәйрәмнәрен билгеләп үттеләр

Мәдәният хезмәткәрләрен: клуб һәм китапханә системасы, музей хезмәткәрләрен, сәнгать мәктәбе педагогларын котларга район башкарма комитеты җитәкчесе Ринат Фәсахов һәм аның социаль мәсьәләләр буенча урынбасары Александр Еронтьев килделәр.

Бәйрәм чарасында мәдәният өлкәсендә күпьеллык хезмәтләре, югары профессиональлек күрсәткәннәре һәм иҗтимагый эш алып барганнары өчен район башкарма комитеты җитәкчесенең Рәхмәт хатлары белән түбәндәгеләр бүләкләнделәр: Галина Желткова - туган якны өйрәнү музееның фәнни хезмәткәре, Наталья Зяблова - Екатерина авылы китапханәчесе, Ксения Никитина - БСМ укытучысы, Юлия Носкова - Чуаш Чабаксары мәдәният йортының сәнгать җитәкчесе, Елена Патрикеева – ҮКС китапханәчесе, Ольга Старикова - БСМ укытучысы, Екатерина Чумакова - Ленино мәдәният йорты балетмейстеры һәм Буревестник АМЙның «Волчанка» вокаль коллективы.

 ҮКС хезмәткәрләре һәм балалар сәнгать мәктәбендә шөгыльләнүчеләр үз-үзләрен иң яхшы концерт номерлары белән  сөендерделәр.