Яшьләр ак төсне сайлый
Ак һәм кара, бу - киемнәр стиле түгел, ә тормыш стиле. Яңа Чишмә РМЙ сәхнәсендә ТР-ның башлангыч һәм урта һөнәри белем бирүче дүрт уку йорты студентлары һәм аларның укытучылары (Нурлат аграр техникумы, Яңа Чишмә һөнәр училищесы, Чистай политехник колледжы һәм Аксубай һөнәри лицее) нәкъ менә шул хакта сөйләделәр. 10 апрельдә...
Ак һәм кара, бу - киемнәр стиле түгел, ә тормыш стиле. Яңа Чишмә РМЙ сәхнәсендә ТР-ның башлангыч һәм урта һөнәри белем бирүче дүрт уку йорты студентлары һәм аларның укытучылары (Нурлат аграр техникумы, Яңа Чишмә һөнәр училищесы, Чистай политехник колледжы һәм Аксубай һөнәри лицее) нәкъ менә шул хакта сөйләделәр. 10 апрельдә Яңа Чишмәдә сәламәт яшәү рәвешен пропагандалау буенча иң яхшы чарага Республика конкурсы булып үтте.
Лариса ФЕДОРОВА
Барлык командалар да тормышның ике ягын күрсәттеләр. Бер ягын алар ак төскә буяганнар - якты, шатлыклы, яраткан кешеләре, дуслары һәм туганнары янәшәсендә, ә икенче якны карага - юлдан язганлык, тәртипсезлек, шайтан да ясалган - бусы инде наркотиклар, аны хәтта аз күләмдә һәм беренче тапкыр кулланганда да организмга тискәре йогынты ясавын командалар сәхнәләштереп күрсәттеләр. Жюри әгъзалары барысының да чыгышларын югары бәяләде, техник сәбәпләр буенча башка районнардан яшьләр вәкилләренең конкурска килә алмауларын әйтеп үттеләр, ә жюри рәисе, район башкарма комитеты җитәкчесе урынбасары Валентина Семеняк катнашучыларга Дипломнар тапшырды. Чистай шәһәре командасы 1 урынны яулады. Иң баштан аларның чыгышларын караганда ук бу команданың җиңүендә шик юк иде: тамашачылар да, жюри да, ярышучы егетләр дә фаҗигале мәхәббәт һәм көлкеле пантомималар карадылар. Икенче урынны кунакларны кабул итүче як яулады. Монда реквизит һәм музыкаль осталыклар да игътибарга алынды. Өченче урында нурлатлылар, ә аннан соң - аксубайлылар.
Барлык командалар да биремнәрне оста үтәделәр, хәер, төрлечә күрсәтсәләр дә, нәтиҗәсе бертөрле иде - наркотикларга "юк", сәламәт яшәү рәвешенә - "әйе", дип җавап бирделәр. Барлык дүрт команда катнашучылары да 118 нче һөнәр училищесы ашханәсенә юл тоттылар, анда алар өчен төшке аш әзерләнгән иде.
Рәсемдә: Нурлат командасы
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев