Йолдызлар фестивальдә кабына

Яңа Чишмә йолдызчыклары Дарья Янова һәм Михаил Хорьков бик матур чыгышлары өчен «Татнефть» җәмгыятенең «Рухият» рухи яңарыш фондының дипломнары һәм акчалата премияләре белән бүләкләнделәр.

29-30 гыйнвар көннәрендә Азнакайдагы «Каенкай» балалар сәламәтләндерү лагерында «Сандугач сайрар илем» XXIII балалар-яшүсмерләр иҗаты фестивале узды. Фестиваль Җиңүнең 75 еллыгына һәм ТАССР төзелүнең 100 еллыгына багышланган.
 Вокал-соло номинациясендә нефть төбәгенең 18 районыннан 83 яшь башкаручы чыгыш ясады. Яңа Чишмә районы вәкилләре - балалар сәнгать мәктәбендә тәрбияләнүчеләр Дарья Янова Л.Добронравовның «Просьба» шигыренә (А.Пахмутова көе) язылган һәм Михаил Хорьков «Вечный огонь» җыры белән (Р. Хозак көе, Е. Агранович сүзләре) чыгыш ясап 2 дәрәҗә лауреат булдылар, шулай ук «Татнефть» җәмгыятенең «Рухият» хәйрия фондыннан акчалата призлар белән бүләкләнделәр.
Яшь йолдызлар уңышлы чыгыш ясаулары өчен беренче котлауларны үз педагоглары Любовь Коноваловадан алды.