Зирекле авылында «Татар кызы» дигән бәйге оештырылган

— Әминәбезне чын күңелдән котлыйбыз. Башкача булырга мөмкин дә түгел иде, чөнки аңарда чын татар кызына гына хас булган тыйнаклык, оялчанлык, сабырлык кебек сыйфатлар өстенлек алган. Ул бик матур итеп чыгыш ясады, сорауларга дөрес җавап биреп, гаилә традицияләрен күрсәтте, милли ризык чәк-чәк пешерү серләренә төшендерде. Жюри эгъзалары, хәтта, Әминәбезнең пешереп барган чәк-чәген авыз иткәч, телләрен дә йотты бугай. Без Әминәбез өчен бик сөенәбез һәм авылыбызда шундый чын гузәл татар кызы булырлык кызларыбыз булуы белән горурланабыз! Акбүре мәдәният йорты коллективы Әминәнең гаиләсенә дә зур рәхмәт белдерә, чөнки бу күмәк эш иде. Әминәгә алдагы тормышында да зур уңышлар теләп, чын татар кызы булып калуын телибез!