Зур музыка дөньясына сәяхәт

Ә кайчагында, безнең героебыз - Яңа Чишмә балалар сәнгать мәктәбендә тәрбияләнүче Даша Котованыкы кебек, мондый хыял белән очрашу тормыш юлы башында ук була. Көтелмәгән хәл килеп чыга, шуңа күрә бу очраклылык тагын да кадерлерәк була.

Җырчы Валериянең исеме илебездәге барлык җыр һәм музыка яратучыларга таныш, ул тамашачыларга (бигрәк тә кызларга) үзенең матурлыгы, җырлары, нәфислеге белән ошый. Аңа охшаш булу, димәк чын профессиональлеккә гашыйк булу дигән сүз. Шуңа да Казан шәһәрендә җырчы Валериянең концерты узачагы билгеле булгач, ата-аналар, бернигә карамый, билетлар сатып алалар.
21 октябрьдә Казанда «Пирамида» мәдәни-күңел ачу комплексында узган концертта җырчы башкаруындагы җырлар залдагы тамашачыны таң калдырган. Тамашачылар сәхнәдән күзләрен алмый, җырчыны онытылып тыңлаганнар. Таныш җырлар сүзләренә кушылып җырлаганнар. Валерия сәхнәгә теләге булган кешене үзенең бер җырын җырларга чакыргач (фортепианода уйнап), Даша сәхнәгә ничек чыгуын да сизми калган. Мөгаен, бу Ходай Тәгаләнең туры китерүедер - талантлы Валерия янәшәсендә басып тору, аны кулыннан тоту, аны тыңлау, аның кулларын тою, тавышын якыннан ишетү – бәхет дими, ни дисең. «Син – минем әни, син – минем кызым»җырын башкарган дуэтны зал хуплаган. Ә җырчы Валерия бу кечкенә генә кызның бер мизгелдә сәхнәгә күтәрелеп аның катлаулы җырларының берсен белү генә түгел, аның белән тиң булып җырлавын, җырчыны хуплап, аның концертын бөтен кеше өчен истә калырлык итүен билгеләп үткән. Менә хәзер боларның барысы да алдан килеп чыгуына берәү дә ышанмый, чөнки махсус берәү дә моңа әзер булмый.
Ике сәгатьлек концерт бер мизгел күк үткән. Ә концерттан соң Даша өчен популярлык мизгеле килеп җиткән, барысы да аның белән танышырга теләгән, аның кулларын кыскан, югалып калмавы, лаеклы чыгыш ясавы өчен мактау сүзләре яудырганнар.
Өйләренә кайту юлында Даша Валерияның автографы куелган фотосурәтен кулыннан да куймаган, җырчының Дашаның каян килгәнен, аның вокал, музыка белән шөгыльләнүе турында сораштыруларын, аның үзе белән чыгыш ясавы өчен рәхмәт сүзләрен искә төшергән.
Танылган җырчы белән очрашу Дашаның тормышын яктылык, мәхәббәт белән тулыландырган, өстәвенә, аның бу турыда туганнары, дуслары, укытучылары белән уртаклашасы килү теләге туган, ә Ирина Слимова җитәкчелегендәге балалар сәнгать мәктәбе остазлары коллективына аеруча рәхмәт сүзләре җиткерәсе килә. Нәкъ менә шулар ярдәмендә балалар үзләренең талантларын үстерәләр, рухи яктан баерак, тормышлары яктырак, күп төрлерәк була. Чөнки зур музыка дөньясына юл нәкъ менә шуннан башлана да инде.