Яңа Чишмә районында вакцинация дәвам итә

1 мартка COVID-19дан 350 кеше прививка ясаткан, шул исәптән 140 кеше икенче вакцинацияне узган. Районда тагын 45 доза вакцина бар, теләге булганнар прививканы бушлай ясата алалар.

Табиблар 18 яшьтән өлкәнрәк кешеләргә, бигрәк тә 60 яшьтән өлкәнрәкләргә прививка ясатырга киңәш итә. Яз килү белән грипп, ОРВИ кебек сезонлы авырулар да кискенләшә, үзвакытында прививка ясату район халкын авырулардан саклаячак.

1 мартта район башлыгы Вячеслав Козлов коронавирустан прививка ясаткан һәм район халкын үз тормышларын һәм сәламәтлекләрен саклау өчен вакцинация ясатырга чакырган. «Без бу чирне шулай гына җиңә алачакбыз», - ди район башлыгы.