2014 елдан башлап хезмәт пенсиясе бала карауга арттырылган чорны исәпкә алып кабат хисапланачак

Бу эш федераль закон үз көченә керү сәбәпле мөмкин булды, шушы закон буенча граждан пенсия билгеләгәндә яки кабат хисаплатканда ата-ананың берсенә баласын караган өчен һәр бала яшь ярымга җиткәнче, тик гомуми алганда дүрт ел ярымнан да артык булмаган чор хисабына иминият стажын арттыру хокукына ия. Ягъни хәзер өч балага аларны караган ел ярымнан исәпләп, 4 ел ярым чор максималь стажга кертелә. Моңарчы иминиятләштерелмәгән шушы чорның дәвамлылыгы 3 ел белән чикләнә иде, ягъни һәр ике баланы караган чор керә иде. Яңа кагыйдәләр инде пенсия алучыларга да, пенсия яше якынлашучыларга да кагыла.

Хезмәт пенсиясе күләмен кабат хисаплау гариза язмыйча да 2014 елның 1 гыйнварыннан башкарыла. Безнең районда 81 пенсионерга кабат исәп-хисап ясалды, ул уртача 88 сум тәшкил итә. 2015 елдан башлап дүртенче баланы караган чор да өстәләчәк, ягъни һәр балага ял ярымнан исәпләп, 6 ел стажга кертеләчәк.

Лилия ХИРАҖЕВА,

РПФ бүлеге начальнигы