26 мартта яңачишмәлеләр Донбасс халкына гуманитар ярдәм җибәрделәр (видео)

Лариса Фёдорова, 28 март 2022 - 11:51

542

Шофер Алексей Трунов идарә итәчәк 20 тоннадан артык азык-төлек һәм беренче чиратта кирәк булган әйберләр төялгән фураны озатканчы, Яңа Чишмә районы башкарма комитеты җитәкчесе Ринат Фәсахов һәм район башлыгы урынбасары Надежда Попкова битараф булмаган район халкына рәхмәт җиткерделәр.

26 мартта яңачишмәлеләр Донбасс халкына гуманитар ярдәм җибәрделәр (видео)

Алар арасында эшмәкәрләр, фермерлар, әрмән диаспорасы да бар иде, шулай ук актив район яшьләре дә читтә калмаган.

Алар ярдәме белән Донбасс халкына 10 тонна он, 5 тонна карабодай ярмасы, бер тоннадан артык макарон әйберләре, 1 тоннадан артык башка төр ярмалар, 500 килограммнан артык үсемлек мае, 500 банка консерва, тушенка, шулай ук чәй, кофе, шикәр комы, шешәләргә тутырылган су һәм башка кирәкле товарлар җыелган.