Яңа Чишмә хәбәрләре
  • Рус Тат
  • Архангел АҖ Советы һәм башкарма комитеты төп бурычны үтәгән

    2021 елның 15 гыйнварында Архангел Бистәсендә гражданнар җыены булып үткән.

    Хисап башланыр алдыннан халык өчен җирле кул эшләре күргәзмәсе һәм «Туган тел һәм Халыклар бердәмлеге елы»на багышланган «Туган ягым» дип исемләнгән концерт программасы оештырылды, анда «Любава», «Архангел чибәре», «Каенкай» коллективлары катнашты.

    Шулай ук мәдәният йорты фойесында төрле бүлек һәм оешма җитәкчеләре шәхси сораулар буенча кабул итүләр үткәрелде.

    Архангел АҖ Советы һәм башкарма комитетының башкарылган эшләре турында хисап белән аның башлыгы Нина Анатольевна Сердюк чыгыш ясады.

    «Узган елгы хисап җыелышында халыктан ике бурыч куелган иде: урам юлларына вак таш җәю һәм «Вознесение Господне» гыйбадәтханәсенең түбәсен алыштыру. Яшьләр урамы буенча юлларны ремонтлау үзара салым акчасына башкарылган, Нагорная урамы мәсьәләсе буенча нефтьчеләргә мөрәҗәгать итәчәкбез, чөнки үзебез генә аны ремонтлый алмыйбыз. Гыйбадәтханәгә капиталь ремонт буенча Татарстан Республикасының мәдәни мирас объектларын саклау буенча комитет рәисе И.Н. Гущин җитәкчелегендәге төркем килде. Хәзерге вакытта гыйбадәтханәне ремонтлау сметасы исәпләнә һәм беренче эш итеп түбәне яңартачаклар», - дип хисап тотты АҖ башлыгы.

    Ул шулай ук телдән мөрәҗәгатьләр белән 12 граждан кабул ителүен билгеләп үтте, алар тарафыннан урам яктырткычлары лампаларын алыштыру, бердәм исәп-хисап үзәге, зур габаритлы чүп чыгару, төлкеләрне юк итү буенча сораулар бирелгән. Барлык мәсьәләләр дә оператив хәл ителгән.

    Белешмә

    АҖдә 511 кеше теркәлгән, 399 кеше яши. 2020 елда 9 бала туган, 6 кеше үлгән. 4 никах теркәлгән (бер пар авылда калган), аерылышучылар юк. Армиягә 1 кеше киткән.

    Җирлек бюджетын үтәү;  мәгариф, сәламәтлек саклау, мәдәният, спорт учреждениеләренең өзлексез эшләвен тәэмин итү;  торак пункт территорияләрен төзекләндерү, җирлекнең тормыш-көнкүрешен тәэмин итү;  җирлекнең икътисадын ныгыту һәм үстерү максатларында барлык милек формасындагы оешмалар белән үзара хезмәттәшлек итү кебек төп мәсьәләләрне АҖ башкарма комитеты шулай ук уңышлы хәл иткән.

    АҖдә эшкә яраклы - 231 кеше яши. 89 кеше авылда, районда - 14, районнан читтә – 85 кеше эшли, эшсезләр -14, ә халыкны эш белән тәэмин итү үзәгендә нибары 1 кеше генә исәптә тора.

    АҖ башлыгы Нина Сердюк чыгышында авыл җирлеге эшчәнлегенең барлык мизгелләре, шул исәптән шәхси хуҗалыклар да чагылдырылды.

    Белешмә

    АҖдә 176 йорт. 46 хуҗалыкта 250 баш МЭТ асрала, бу узган елга караганда 18 башка күбрәк. Шул исәптән 37 йортта сыерлар - 111 баш, дуңгызлар - 141 баш, сарыклар һәм кәҗәләр - 64 баш, атлар - 24 баш. 2020 елда субсидияләрнең гомуми күләме 393 400 сум тәшкил иткән, пайлар өчен КФХдан азык тулы күләмдә алынган. Бер елда 3776 ц. сөт сатылган (бу узган елгыдан 329,41 ц-га артык).

    АҖ башлыгы һәм аның командасының эше халыкның күз алдында, шуңа күрә залдагы хисапның һәр пункты буенча хуплау сүзләре яңгырады, алкышлар да булды.

    Авыл халкы 2020 елда АҖ советы һәм башкарма комитеты эшен «яхшы» дип бәяләде. «Әгәр сез, хөрмәтле авылдашлар, безнең уртак эшебез белән канәгать булсагыз, ул чакта без аны канәгатьләнерлек дип атыйбыз», - диде Нина Сердюк.

    Җыенда катнашкан район башкарма комитеты җитәкчесе урынбасары Александр Еронтьев Архангел АҖ эшен бәяләүдә катнашучыларны хуплады һәм кыскача гына районда бер елда башкарылган эшләр турында сөйләде.

    Авыл урамнарының берсендә яшәүчеләр судан ис килү проблемасын күтәрде. Авыл җирлеге башлыгы пробага алынган суның каты булуын раслый, әмма куллануга яраклы, дип җавап бирде. «Әгәр берәрегез су исенең сәбәпләрен һәм бу мәсьәләне ничек хәл итәргә кирәклеген белә икән, ул безгә киңәше белән ярдәм итсен», - диде Нина Сердюк. Ул шулай ук барлык халыкка эшләрдә һәм чараларда активлыклары өчен рәхмәт белдерде. Иң активларга грамоталар һәм истәлекле бүләкләр тапшырылды.

    Район башлыгы исеменнән: Архангел ФАП мөдире Дмитрий Апраксин һәм «Архангельское» КФХдан Владимир Рубин; Архангел АҖ башлыгы исеменнән: китапханә мөдире - Екатерина Барсукова, АМЙ хормейстеры - Наталья Забродина, «Архангельское» КФХдан Вячеслав Любимовка бүләкләр тапшырылды. Иң яхшы сөт тапшыручылар - Наталья Павлюк һәм Наталья Мельникова эшмәкәр Наталья Таротина исеменнән бүләкләр алдылар.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: