Благодаровкада яшәүче берәү машина йөртү хокукыннан мәхрүм ителде

2022 елның 21 мартында төнге сәгать 12ләр тирәсендә Благодаровка поселогында яшәүче 18 яшьлек гр. Н. Яңа Чишмәнең Ленин урамында «Лада-Приора» а/м белән исерек хәлдә идарә иткән.

«Юпитер» алкотекторында тикшерү аның исерек булуын күрсәткән. Тикшерү нәтиҗәләре белән хокук бозучы килешкән.

 Яңа Чишмә суд районы буенча 1 нче суд участогы җәмәгать судьясы карары белән гр. Н. РФ КоАПның 12.8 ст.1 өлешендә каралган административ хокук бозуда гаепле дип табылган, аңа 30 мең сум күләмендә штраф, 1 ел да 6 айга транспорт чаралары белән идарә итү хокукыннан мәхрүм итү рәвешендә җәза билгеләнгән.

Карар 2022 елның 29 апрелендә үз көченә кергән.