Бүген, 3 мартта, Яңа Чишмәдә «Тонировка» рейды уза

ТР Яңа Чишмә районы эчке эшләр бүлегенең ЮХИДИ инспекторы Айрат Сатдаров хәбәр иткәнчә, тонировкасы ГОСТ таләпләренә туры килми торган пыялалы транспорт чараларын йөртүчеләргә (шул исәптән үтә күренмәле төсле пленкалар белән капланган) Административ хокук бозулар турындагы кодексның 12.5 ст.3.1 өлеше буенча җаваплылыкка тарту яный, ягъни - 500 сум штраф.

Дәүләт автоинспекциясе машина йөртүчеләрне кисәтә: алгы ян тәрәзәләре «тонировкаланган» автомобиль белән кабат идарә итү фактын ачыклаганда, машина йөртүчегә карата КоАП 19.3 ст. 1 өлеше буенча административ материал төзеләчәк, ул хәтта 15 тәүлеккә кадәр административ арестны да күздә тота.