Халыкның керемнәре арткан
Район үзәге учреждениеләре җитәкчеләре белән үткән киңәшмәдә район башкарма комитеты җитәкчесе урынбасары Надежда Попкова 2012 елда халыкның керемнәре һәм чыгымнары турында анализ ясады. 2012 елда халыкның керемнәре 1 млрд. 789 млн. сум тәшкил иткән, бу 2011 елга карата 110 процент. Керемнәрнең зур өлешен хезмәт хакы (1,07 млрд. сум) тәшкил итә,...
Район үзәге учреждениеләре җитәкчеләре белән үткән киңәшмәдә район башкарма комитеты җитәкчесе урынбасары Надежда Попкова 2012 елда халыкның керемнәре һәм чыгымнары турында анализ ясады.
2012 елда халыкның керемнәре 1 млрд. 789 млн. сум тәшкил иткән, бу 2011 елга карата 110 процент. Керемнәрнең зур өлешен хезмәт хакы (1,07 млрд. сум) тәшкил итә, аннан соң пенсия һәм пособие (421,8 млн. сум), алган кредитлар (157 млн. сум), ШЯХтан алган керем (62,3 млн. сум) һәм социаль түләүләр (39,9 млн. сум) тәшкил итә. Җан башына айлык керем 9318 сум туры килә ( 2011 елда ул 8500 сум иде).
2012 елда пенсияләр һәм пособиеләр, уртача, 8,6 процентка арткан, кредитлар 25,5 процентка күбрәк бирелгән, авыл хуҗалыгы продукциясе сату 3,4 процентка арткан.
2013 елның 1 гыйнварына банкларда халыкның 278,8 млн. сумлык кертемнәре саклана, үсеш - 14 процент. Җан башына кертемнәр 17,4 мең сум туры килә (2011 елда - 15,2 мең сум).
2012 елда район халкы 1 млрд. 710 млн сум акча тоткан ( чыгымнар), бу 2011 елга карата 118 процент (1,44 млрд сум). Чыгымнар нигездә товарлар (785 млн. сум), күчемсез милек сатып алуга - 400 млн. сум, түләүле хезмәтләргә (белем алу, торак алып тору, ата-аналарның балалар бакчаларына түләүләре һ.б.) - 300 млн. сум, газ, электр энергиясе, ТКХ хезмәтләренә түләүгә - 105 млн. сум, иминият оешмаларына түләүгә - 15 млн. сум, кредитларны каплауга - 41 млн. сум, көнкүреш хезмәтләренә - 13,5 млн. сум, элемтә хезмәтләренә - 25 млн. сум һ.б. тотылган. Димәк, азык-төлеккә һәм промышленность товарларына без үз керемнәребезнең 46 процентын сарыф итәбез икән, чиреге күчемсез милек сатып алуга китә.
Тагын бер уңай мизгелне ассызыклап үтәсе килә: керемнәр (хезмәт хакы, пенсияләр, пособиеләр) артса да, торак-коммуналь хезмәтләргә түләү түбән калган, 2011 елга карата ул нибары 6 процентка гына арткан.
Азат МУСИН
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев