Хезмәт күрсәтү үтемлерәк була
Ике ел элек "Дәүләт һәм муниципаль хезмәт күрсәтүләрне оештыру турында" Федераль закон (№210) кабул ителгән иде. Без район башкарма комитеты җитәкчесе урынбасары Надежда Попковадан район оешмаларының аны үтәүгә әзерлеге турында сөйләвен үтендек. Ул Яңа Чишмә муниципаль районы сайтында муниципаль берәмлекләр порталында "Муниципаль һәм дәүләт хезмәтләре күрсәтү" бүлеге бар, анда җирле...
Ике ел элек "Дәүләт һәм муниципаль хезмәт күрсәтүләрне оештыру турында" Федераль закон (№210) кабул ителгән иде. Без район башкарма комитеты җитәкчесе урынбасары Надежда Попковадан район оешмаларының аны үтәүгә әзерлеге турында сөйләвен үтендек.
Ул Яңа Чишмә муниципаль районы сайтында муниципаль берәмлекләр порталында "Муниципаль һәм дәүләт хезмәтләре күрсәтү" бүлеге бар, анда җирле үзидарә органнарының Федераль закон кысаларында кабул иткән барлык норматив хокукый актлар бастырылган, дип билгеләп үтте.
Биредә ТР Министрлар Кабинетының күрсәтмәләре һәм Карарлары белән танышу, ТР һәм РФ дәүләт хезмәтләре Порталына керү мөмкинлеге бар. Шул ук биттә, төрле эшчәнлек юнәлешләре буенча Яңа Чишмә муниципаль районында күрсәтелә торган 51 муниципаль хезмәт күрсәтү белән танышырга мөмкин, шуларның егерме өч төрлесе ведомствоара хезмәттәшлек кысаларында күрсәтелә. Хезмәт күрсәтүләр реестры район башкарма комитеты җитәкчесе тарафыннан расланган. Һәрбер хезмәт күрсәтүгә административ регламент расланган, анда барлык документлар: шушы хезмәтне күрсәтү өчен таләп ителгән гариза формалары, белешмәләр күрсәтелгән. Ведомствоара хезмәт күрсәтүләр сайты электрон вариантта эшли, оешмалар арасында белешмәләр һәм мәгълүматларны соратып алып була. Әйтик, элегрәк җир участогын рәсмиләштергәндә гариза һәм кадастр паспортыннан тыш төрле күчермәләр таләп ителсә, хәзер 2012 елның 1 июленнән башлап аларны ведомствоара хезмәт күрсәтүләр кысаларында соратып алачаклар. Дәүләт һәм муниципаль хезмәт күрсәтүче барлык оешмаларда шәхси сакланышта булырга тиешле 19 исемдәге документлар исемлеге эленгән, аларны гражданнар мөрәҗәгать иткәндә гариза белән бергә тапшыралар (һәр хезмәт күрсәтү өчен аларның исемлеге регламентлаштырылган). Хезмәт күрсәтү өчен кирәкле барлык башка документлар башка оешмалардан соратып алына, гражданнарга аларны эзләп, акча түгеп йөрисе булмый. Хезмәт күрсәтүче оешма ведомствоара алмашу кысаларында җитмәгән кирәкле документларны соратып ала һәм гражданга регламентта каралган вакыт эчендә әзер документ бирә. Әйтик, регламент буенча Яңа Чишмә авыл җирлеге буенча шәхсән мөрәҗәгать иткәндә гаилә составы турындагы белешмә бирүгә 15 минутлап вакыт сорала. Торак бинаны торак булмаган итеп, яки киресенчә күчерүгә рөхсәт бирү бинаны карамыйча 25 көн эчендә башкарыла, бина тикшерелгән очракта бу срок - 29 көн. Социаль-хокукый һәм тематик характердагы архив белешмәләре бирү өчен регламентта 15 көн каралган. Һәрбер хезмәтне күрсәтү срогы регламентланган, алар белән сайтта да, мөрәҗәгать иткән чакта оешмада да танышырга мөмкин. Хезмәт күрсәтүләр электрон вариантта да, кәгазьләр белән дә башкарыла.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев