Хөрмәтле ветераннар!

Барыбызга да, балаларыбыз, оныкларыбыз, оныкчыкларыбыз өчен дә истәлекле бу көндә сезгә тагын бер кат олы рәхмәтләребезне җиткерәбез һәм үз гомерләрегезне, сәламәтлегегезне кызганмыйча илебезне фашистлар тоткынлыгыннан саклап калган өчен алдыгызда баш иябез. Бу җирдә яшәүчеләр сезнең батырлыкларыгызны һичкайчан онытмаслардыр. Безнең гражданлык бурычыбыз - сезне кайгырту һәм игътибар күрсәтү. Тагын бер мөһим бурыч - бу изге көн турындагы истәлекләрне үсеп килүче яшь буынга мирас итеп калдыру. Бу данлы көндә Сезгә, кадерле ветераннар, тыл хезмәтчәннәре, бәхетле, озын гомер, күтәренке кәеф һәм аяз күк йөзе телибез.